{jcomments on}Биыл Семей қаласын көркейту, абаттандыруда айтарлықтай жұмыстар атқарылды. Соның ішінде ерекше тоқталып айтарымыз Ертіс жағалауының жаңа жоба аясындағы жөнделуі. Бірнеше жылдан бері жөндеу көрмеген жағалаудың қазіргі келбеті өзгерген.
Семей қаласы ТҮКШ жолаушылар көлігі және автомобиль жолдары бөлімінің мәліметінше, ағымдағы жылы Ертіс жағалауын абаттандыруға бюджеттен 70 млн. теңге бөлінген. Аталған қаражатқа жоспар бойынша 4800 шаршы метр аумақты алатын жаяу жүргіншілерге арналған жол төселіп, 1030 метр аумаққа жағалау тастарын, 404 метр жердің қоршауы мен жақтау блоктарын жөндеу, сонымен қатар жиырма орындықтар мен қоқыс жәшіктерін, көше шамдарын орнату көзделген болатын.
Бүгінде Семейдің көрікті жерлерінің бірі саналатын Ертіс жағалауын көргенде көңілің толып, қаламызды көгалдандыру және көркейту мақсатында шын мәнінде ауқымды жұмыстар атқарылып жатқанына тәнті боласың. Қала әкімдігі белгілеген жоспар бойынша, аталмыш жағалауда сәндік плиткалар (брусчаткалар) орнату, жаяу жүргіншілер жолдары мен гүлзарлар, гүл өсіретін алаңдар салу жұмыстарын аяқтады. Жұмыстар жай ғана атқарылып қоймай гүл өсіретін орындар кеңейтіліп, гүл өсіруге арнал-ған қыштан жасалған ыдыстар қойылды. Қала көркіне жаңаша әр беретін сәнді, өрнектелген қоршаулар мен орындықтар да көптің көңілінен шықты. Сондай-ақ қоқыс жәшіктері мен көшені жарықтандыруға арналған шамдар да заман талабына сай қойылды.
Сонымен бірге, өткен жылы Ертіс жағалауын абаттандыруға арналған жобалық-сметалық құжаттарға тапсырыс берілген болатын. Жоба аясында каскадты субұрқақты қайта жөндеуден өткізу, жасыл алаңды қалпына келтіру, және жаяу жүргіншілер жолы мен шағын архитектуралық мүсіндер орнату жоспарланып отыр. Бұған қоса Ертіс ағынының бөлігін ағаштар мен шөптерден тазарту, қайық станциясының құрылысы мен шомылуға арналған орын және се- руендеуге арналған жолдар, демалуға арнал- ған орындар, жаттығу және теннис корттарын орнату мен көгалдандыруға қажетті басқа да жағдайлар жасау қарастырылған.
Асан МЫРЗАХАНОВ, «Семей таңы»
