"Семей таңы" газеті
ztlogo
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
PDF нұсқа
ztlogo
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік
Нәтиже табылмады
Барлық нәтижені қарау
"Семей таңы" газеті
PDF
Нәтиже табылмады
Барлық нәтижені қарау

«АҚШЫҢ» САУДА ОРТАЛЫҒЫ ЖАЛҒА БЕРУ АҚЫСЫНА ЖЕҢІЛДІКТЕР ЕНГІЗДІ

22.12.2015

Тәуелсіздік мерекесі қарсаңында Семей қаласындағы ірі сауда орталығы болып саналатын «Ақшың» корпорациясы сауда орындарын жалға алып отырған кәсіпкерлерді қуанышқа бөледі. Жағымды жаңалық елімізге белгілі меценат, облыстық мәслихат депутаты, «Ақшың» корпорациясының президенті Марат Құрманбай, Шығыс Қазақстан облысы Кәсіпкерлер палатасының Семей қалалық филиалының директоры Ардақ Әділжанов және қалалық кәсіпкерлік бөлімінің сауданы дамыту секторының меңгерушісі Айжан Хасенованың қатысуымен өткен баспасөз жиынында белгілі болды.

Баспасөз жиынын ашқан ШҚО Кәсіпкерлер палатасының Семей қалалық филиалының директоры Ардақ Әділжанов Елбасы Жолдауының негізгі бағыттардың бірі шағын және орта кәсіпті қолдауға бағытталғанын, осы бастамаларды «Ақшың» корпорациясы да жүзеге асырып отырғанын жеткізді.

— Елбасы Жолдауында шағын және орта кәсіпкерліктің жеткен жетістіктерін сақтап қалуды тапсырды және ірі өндіріс ошақтарының жанынан жаңа кәсіпорындар ашуды жүктеді. Семей қаласындағы заман талабына сай сауда орындарының бірі — «Ақшың» корпорациясы. Бүгінгі кездесуіміз Марат Серікжанұлының бастамасымен ұйымдастырылып, шағын кәсіпкерлікті қолдауға арналып отыр. Бұл — қаладағы өзге де сауда орындарына үлгі боларлық іс, — деді А.Әділжанов.

 

{jcomments on}Келесіде сөз алған «Ақшың» корпорациясының президенті Марат Құрманбай дүниежүзінде орын алып отырған экономикалық дағдарыс кезінде еліміздің кәсіпкерлері бірлесе жұмыс істеу керектігін, бұл туралы Елбасы Н.Назарбаевтың халыққа арнаған кезекті Жолдауында да айтылғанын атап өтті.

 

— Мемлекет басшысы өз Жолдауында барша қазақстандықтарды бірлесе қызмет істеуге шақырды. Дағдарыс арқылы біз әрі қарай экономикамызды дамытуымыз керек екенін атап өтті. Сондықтан бүгінгі жағдайда әрбір кәсіпкерге қолынан келгенше қызмет істеу керек. Ал біз сол кәсіпте жүргеннен кейін өзіміздің кәсіпкерлерімізді қолдауымыз керек. Осы ретте «Ақшың» корпорациясы 2016 жылдың 1 қаңтарынан бастап жыл соңына дейін 5-тен 15 пайызға дейін жалға беру құнын төмендетеді. Ол, біріншіден, кәсіпкерлерімізге үлкен көмек болса, екіншіден, тұтынушыларымыз үшін де тиімді болады деп ойлаймын, — деді «Ақшың» корпорациясының президенті Марат Құрманбай.

«Ақшың» корпорациясы Семейдегі ең үлкен сауда орталығы болып саналады. Еліміз егемендік алған алғашқы жылдардан бастап қызмет істеп келе жатқан сауда орталығы 1995 жылы алғаш рет жабық базар ретінде ашылды.

— Кәсіпкерлікпен айналысамын деген азаматтардың көбі өз істерін осы жерде бастады. Бүгінгі күні олардың 70 пайызы үлкен бизнеспен шұғылдануда деуге негіз бар. Сондықтан бұл жер кіші бизнестің инкубаторы ретінде бағаланады. Бүгінгі күні сауда орталығы халыққа сапалы қызмет көрсетіп жатыр деп айта аламын. Өйткені біздің алға қойған басты мақсатымыз — жерлестеріміздің денсаулығы. Бұны мемлекетіміздің стратегиялық маңызды үлкен ісінің бірі деп ойлаймын. Алдағы уақытта да осы бағытта қызмет жасай беретін боламыз, — дейді М.Құрманбай.

Қазіргі уақытта үш қабатты «Ақшың» сауда орталығында 2 мыңнан астам кәсіпкер өз ісін дөңгелетіп отыр. Яғни, корпорация президенті Марат Серікжанұлы атап өткендей, алған орны арқылы бизнесін жүргізіп, уақтылы салығын төлеп отырған кәсіпкердің алға өрлеуіне тиімді мүмкіндіктер жасалуы тиіс. Сондай-ақ мұнда, жылдағы дәстүр бойынша, алғашқы кезектегі қажетті азық-түлікті халыққа қолжетімді бағада ұсыну үшін,  тұрақтандыру қорының азық-түлігіне тиесілі сауда орны тегін берілген. Тағы бір айтар жайт, жергілікті бюджеттің кіріс көзінің 70 пайызы осы шағын және орта бизнестен түсетінін ескерсек, кәсіпкерлік саланың дамуы ел экономикасы үшін қаншалықты маңызды екенін аңғару қиын емес.

Жалпы, отандық бизнесті өркендетуде «Ақшың» сауда орталығының үлкен үлес қосып отырғандығын мұнда жолы түсіп келген кез келген адам байқай алады. Осыдан бірқатар жылдар бұрын шетелдік сауда өкілдері бұл жерден 100-ден 2000 шаршы метрге дейінгі аралықтағы орынды жалға алу мақсатында келген екен. Алайда Марат Серікжанұлы өзінің отбасын асырап, халыққа да, ел экономикасын дамытуға да пайдасын тигізетін жергілікті кәсіпкерлердің жеке кәсібін дөңгелетуіне жол ашқанды жөн көрді. Есесіне, бұл күнде «Ақшың» сауда орталығы шағын және орта бизнесте бағын сынағысы келетіндер үшін бизнес әліппесі ретінде мойындалып отыр.

Баспасөз мәслихатында сөз алған Семей қаласы әкімдігі кәсіпкерлік бөлімі сауда кәсібін дамыту секторының меңгерушісі Айжан Дәуірбекқызы «Ақшың» корпорациясының үлкен істің бастамашысы болып отырғанына ризашылығын білдіріп, бизнестік әлеуметтік жауапкершілігі аясында жеке кәсіпкерлерге қолдау көрсетіп жатқаны үшін алғысын айтты.

— Сонымен қатар «Ақшың» корпорациясы әкімдікпен жасалған меморандум талаптарын барынша сақтап отыр, — дейді А. Хасенова. — Бағаны тұрақтандыру саясатын да бірінші болып қолдап, өзгелерге үлгі бола білуде. Бізді қуантатыны — сауда сөрелеріндегі күнделікті азық-түліктің таза әрі сапалы болуы үнемі тексеруден өткізіліп, қадағаланып отырады. Көтерме сауда бағасын 10 пайыздан артық  көтермеуге де үнемі көңіл бөлініп келеді. Сол себептен де корпорация президенті  Марат Құрманбайдың азаматтық қырын көрсететін бизнес жолындағы бастамалары әрдайым халықтың да, биліктің де ойынан шығып отырады.

Расында да, «Ас – адамның арқауы» дегендей, қала тұрғындарының ет, сүт, көкөніс түрлерін сатып алуында, бірінші кезекте, адам денсаулығының ескерілетінін атап өткен жөн. Сондықтан да жабық базардың сауда сөрелеріндегі азық-түліктің санитарлық тазалығы мемлекеттік стратегиялық талап тұрғысынан да маңызды. Одан өзге «Қазақстанда жасалған» акциясы аясында отандық өнім шығарушылардың халықпен біте қайнасып, тығыз байланыста болуына да жағдай жасалған. Бір сөзбен айтқанда, бір жағадан бас, бір жеңнен қол шығара білгенде ғана тірлік алға басатыны анық. Бизнестің әлеуметтік жауапкершілігін айқын түсінген М.Құрманбайдың экономикалық дағдарыс қиындығынан шығу жолындағы басты ұстанымы да осы.

Іс-шара соңында жиынға қатысқан кәсіпкерлер де «Ақшың» корпорациясының президенті М.Құрманбайға жасап отырған жеңілдігі үшін шынайы алғыстарын жеткізді.

Асан МЫРЗАХАН,

«Семей таңы»

 

 

Ұқсас жаңалықтар

Қазақстан Халық Кеңесінде білім беру, ғылым және адами капиталды дамыту жөніндегі бастамалар қаралды

17.11.2026
Қазақстан Халық Кеңесінде білім беру, ғылым және адами капиталды дамыту жөніндегі бастамалар қаралды

Қазақстан Халық Кеңесі Қоғамдық бастамаларды дамыту комитетінің төрағасы Вера Кимнің төрағалығымен Білім беру және адами капитал мәселелері жөніндегі салалық комиссияның...

Толығырақ...Details

Өткеннің ауыр жүгінен болашақтың берік іргетасына дейін…

16.11.2026
Өткеннің ауыр жүгінен болашақтың берік іргетасына дейін…

Абай облысының бүгінгі тынысын бағалау үшін кешегісін де кем білмеу керек. Ал ертеңіне сеніммен қарауға бүгінгі өзгерістердің ауқымын, нақты нәтижесі...

Толығырақ...Details

Казахстан занял первое место в Центральной Азии по развитию туризма

16.11.2026
Казахстан занял первое место в Центральной Азии по развитию туризма

Казахстан занял 56-е место среди 110 стран в рейтинге развития путешествий и туризма за 2026 год, подготовленном Всемирным экономическим форумом...

Толығырақ...Details

Абай облысында жыл басынан бері 171 мыңнан астам профилактикалық екпе жасалды

16.11.2026
Абай облысында жыл басынан бері 171 мыңнан астам профилактикалық екпе жасалды

Абай облысында 2026 жылдың алғашқы 10 айында 171 мыңнан астам профилактикалық екпе жүргізілген. Өңірде жыл сайын 220 мыңнан астам екпе...

Толығырақ...Details

Қолжетімді әрі сапалы медицина: Президент Жолдауындағы әлеуметтік дамудың маңызды бағыты

16.11.2026
Қолжетімді әрі сапалы медицина: Президент Жолдауындағы әлеуметтік дамудың маңызды бағыты

Халықтың денсаулығын сақтау, медициналық қызметтердің сапасын арттыру және денсаулық сақтау инфрақұрылымын жаңғырту Қазақстанның әлеуметтік дамуындағы маңызды міндеттердің бірі болып қала...

Толығырақ...Details

Еркін жүріп-тұру және тұрғылықты жерді таңдау – конституциялық құқық

16.11.2026
Еркін жүріп-тұру және тұрғылықты жерді таңдау – конституциялық құқық

Адамның еркін жүріп-тұруы, тұрғылықты жерін өз қалауынша таңдауы және елден тыс жерлерге шығуы оның негізгі құқықтары мен бостандықтарының қатарына жатады....

Толығырақ...Details

Жаңалықтар

Қазақстан Халық Кеңесінде білім беру, ғылым және адами капиталды дамыту жөніндегі бастамалар қаралды

9 минут бұрын

Өткеннің ауыр жүгінен болашақтың берік іргетасына дейін…

14 часов бұрын

Казахстан занял первое место в Центральной Азии по развитию туризма

18 часов бұрын

Абай облысында жыл басынан бері 171 мыңнан астам профилактикалық екпе жасалды

18 часов бұрын

Қолжетімді әрі сапалы медицина: Президент Жолдауындағы әлеуметтік дамудың маңызды бағыты

18 часов бұрын

Еркін жүріп-тұру және тұрғылықты жерді таңдау – конституциялық құқық

18 часов бұрын

Семейде қоғамдық келісімді нығайтудың жаңа тәсілдері талқыланды

20 часов бұрын

Абай облысында салық түсімдерінің жоспары 102 %-ға орындалды

20 часов бұрын

Кәсіпкерлікті дамыту – қуатты экономика қалыптастырудың маңызды шарты

3 дня бұрын

Сот арқылы қорғалу – азамат құқықтарының маңызды кепілдігі

3 дня бұрын
Тағы оқу...

Директор:
Риза Асанқызы Молдашева

Веб-менеджер:
Ерлан Айқынұлы


«Семей таңы» газеті 1969 жылы «Құрмет белгісі» орденімен, 2009 жылы ҚР Президентінің БАҚ саласындағы
грантымен марапатталған.

Редакция мекенжайы:

F18A5H3, Семей қаласы,
Қайым Мұхамедханов көшесі,12.

Байланыс:

Директордың қабылдау бөлмесі — 523657;
бас редактор — 520984;
Жарнама және баспасөзге жазылу бөлімі — 560803;
факс — 520475.

 

e-mail:
info@semeytany.kz


Қазақстан Республикасы Ақпарат және коммуникациялар министрлігі берген қайта тіркеу куәлігі
№7220-Г, 30.07.2018.ж.


Яндекс.Метрика

© «ABAI AIMAQ MEDIA» ЖШС

Нәтиже табылмады
Барлық нәтижені қарау
  • Жаңалықтар
    • Саясат
    • Мәдениет
    • Қоғам
    • Қылмыс
    • Спорт
    • Экономика
    • Жаһан
    • Көзқарас
  • Мультимедиа
    • Видео
    • Фото
  • Төртінші билік

© «Семей таңы газеттері – Вести Семей» ЖШС