Семейдегі Достық үйінде «Әлем. ХХІ ғасыр» тақырыбына арналған дөңгелек үстел өтті. «Нұр Отан» партиясы Семей қалалық филиалының ұйытқы болуымен өткен дөңгелек үстелге партияның саяси бюро мүшелері, тарихшылар, саясаттанушылар, әлеуметтанушылар және ұлттық-мәдени орталықтар мен жастар ұйымдарының жетекшілері қатысты.
Жиынды «Нұр Отан» партиясы Семей қалалық филиалы төрағасының орынбасары Зульфия Жамалтдинова ашып, дөңгелек үстелдің «Нұр Отан» партиясы мен Достық үйі арасындағы ынтымақтастық туралы меморандум аясында өткізіліп отырғанын жеткізді. Зульфия Фазылжанқызы сондай-ақ дөңгелек үстелдің мән-маңызын айта келіп, көп ұлтты мемлекетіміздің бірлігі мен ынтымағын нығайту, экстремизим мен терроризмнің алдын алу, жастарға дұрыс бағыт — бағдар беру шараның негізгі мақсаты екенін атап өтті. Дөңгелек үстел барысында «Егемен елдің дамуы мен гүлденуінің қазақстандық моделі» тақырыбында баяндамалар тыңдалды. Осы тақырып бойынша алғашқы сөз алған философия ғылымдарының кандидаты, профессор Махмұт Түйебаев Елбасы Н.Назарбаевтың сындарлы саясатын тереңірек тоқталды. — ХХІ ғасыз адамзат үшін тынышсыз ғасыр болып отыр. Оның әртүрлі себептері бар. Міне, осы кезеңде Қазақстанның өзіндік жолын қалыптастарған Елбасымыз Н.Назарбаев еліміздегі тыныштық пен берекені сақтай отырып, мемлекет құрушы қазақ ұлтының манына Қазақстанды мекендейтін барлық ұлттар мен ұлыстардың басын біріктіріп, соның нәтижесінде әлемнің дамыған отыз елінің қатарына қосылу міндетін қойып отыр. Қазақстан — адамзат тарихында ядролық қарудан ресми бас тартқан алғашқы мемлекет. Бейбіт саясатымыздың арқасында әлемге танылдық. Қазақстан тәуелсіздік алғаннан бері ешкімді қайталамайтын, өзіндік келбетін ұстанған Қазақстанның даму жолын қалыптастырды, — деді М.Түйебаев. Басқосуда Қазақстанның басты құндылығы – елдің бірлігінде екені, тәуелсіз мемлекетіміздің болашағын қалыптастыру әрбір қазақстандықтың ортақ парызы болып табылатыны айтылды. Жалпы, жиынға қатысушылар ширек ғасырда талай асуларды бағындырған тәуелсіз мемлекеттің келешегі мен дамуы туралы пікір алмасты.
Асан МЫРЗАХАН, «Семей таңы»
