Бейсенбі, 29 маусым күні қалалық әкімдікте қала әкімдігі жанындағы діни бірлестіктермен байланыс жөніндегі кеңестің кезекті отырысы өтті. Кеңеске қала әкімінің орынбасары Надежда Шарова, ішкі саясат бөлімінің басшысы Айдар Садырбаев, Семей қаласының мәдениет және тілдерді дамыту бөлімінің басшысы Назерке Аққожина, ШҚО Колледж директорлары кеңесінің төрағасы Оралхан Сартаев, «Болашақ» қайырымдылық мекемесі директорының тәрбие ісі жөніндегі орынбасары Дулат Оспанғалиев және басқа да қоғам белсенділері қатысты.
Кеңес отырысының мақсаты – қаладағы оқу орындарында діни экстремизмнің алдын алу бағытында атқарылып жатқан тәрбие жұмыстарына қанығып, мәдениет мекемелерінің халыққа рухани-адамгершілік тәлім-тәрбие беру жөніндегі рөлін айқындау.
Алдымен қалалық мәдениетжәне тілдерді дамыту бөлі-мінің басшысы Назерке Ақ-қожинаның «Қалалық мәдениет мекемелерінің тұрғындар арасында рухани-адамгершілік тәрбие жұмысын жүргізу барысы туралы» тақырыбындағы баяндамасы тыңдалды. Назерке Мәулітқызының айтуынша, биылғы жылдың алғашқы жарты жылдығында қалада 201 мәдени іс-шара ұйымдастырылыпты. Бүгінде Семей қаласында 49 мәдени мекеме болса, оның 24-і мәдениет және тілдерді дамыту бөліміне тікелей қарасты.
— Жастарға рухани-адамгершілік тәлім-тәрбие беру – қазіргі қоғам-дағы ең маңызды міндеттердің бірі. Алаш қайраткері Мұстафа Шоқай: «Ұлттық мәдениеттен жұрдай рухта тәрбиеленген ұрпақтан халқымыздың қажеті мен мүддесін жоқтайтын азамат шықпайды»,- деп қадап айтқан болатын. Қазіргі жастар тәрбиесіндегі басты мәселе – тұлғаны рухани дамытып, адамгершілікке тәрбиелеу. Осы бағытта 68 дөңгелек үстел, «Экстремистік бағыттағы жат діни ағымдардан қалай сақтануға болады?» деген тақырыпта 22 танымдық, 38 ақпараттық сағат ұйымдастырылды. Сондай-ақ мәдениет мекемелерінің қатысуымен 10 кітап көрмесі, 14 рухани сабақ, 29 концерттік бағдарлама және бірнеше акциялар болып өтті. Осы орайда жастарға рухани тәлім-тәрбие беруде кітапханалардың орны ерекше екенін атап өткім келеді. Кітап жастардың білімін арттырып қана қоймай, сөйлеу мәдениетін дамытып, олардың бойында рухани құндылықтардың қалыптасуына игі әсер етеді. Бұл бағытта қала кітапханаларының ұйымдастыруымен мектеп оқушы-лары және кітапхана оқырмандары арасында «Қызықты кітаптар», «Дыбыстар мен әріптер», «Ойнайық та, ойлайық» атты тәрбие сағаттары өтті. Мұқыр ауылында ұйымдастырылған «Жасыл желекті Мұқыр» іс-шарасы аясында кітапхана қызметкерлерінің бас-тамасымен ауылға ағаш отырғызу акциясы өтті. Кітап күніне арналған «Кітапханаға кітап сыйла», «Білім көзі кітапта» атты республикалық шаралар да өз дәрежесінде ұйымдастырылды. Қала театрларында қойылған Уильям Шекспирдің «Ричард» трагедиясы, Исрайыл Сапарбайдың «Қызыл алма», Тази Гиззаттың «Башмак жоғалды» сынды комедиялары көрермен қызығушылығын тудырған спектакльдер болды. Қалалық Мәдениет сарайында жастарға арналған «Тек қана жұлдыздар» атты лауреаттар шеруі жыл сайын ұйымдастырылып келеді. Сонымен қатар облыстық деңгейдегі «Шығыс шамшырақтары», «Жас өрен», «Наурыз нақыштары» сынды айтыстар мен жыр мүшәйралары өткізілді. Үйірмелер жұмысы да жақсы жолға қойылған. Шаһардағы мәдениет және тілдерді дамыту бөліміне қарасты 225 үйірменің 3923 қатысушысы бар. Орталықтандырылған кітапхананың Шығыс кентіндегі бөлімшесінде қыз балаларға тәлім-тәрбие беру мақсатында «Ақжүніс» атты клуб жұмысын бас-тады. Себебі қыз – ұлттың ертеңі, болашақ ана. Сондықтан оларға дұрыс жол көрсету бүгінгі күннің өзекті тақырыптарының бірі болып отыр. Қалалық Мәдениет сарайында балалар мен жасөспірімдерге арналған «Қыздар», «Үркер» ән студиялары, «Ақбота» би тобы жұмыс істейді. Олар облыстық «Страна звезд», «Шығыс жұлдыздары» және қалалық «Ақ көгершін», «Биле, биле, жас қайың» би байқауларына қатысып, жүлделі орындарға ие болды. Сондай-ақ биыл алғаш рет Мәдениет және өнер қызметкерлері күніне арналған «Мәдениет кер-уені» атты үлкен жоба қолға алынды,- деді Н.Аққожина.
Келесі баяндама иесі ШҚО директорлар кеңесінің төрағасы, Семей қаласының Радиотехника және байланыс колледжінің директоры Оралхан Сартаев қала колледждерінде діни экстремизмнің алдын алу бағытында атқарылып жатқан тәрбие жұмыстарына тоқталып, өткізілген іс-шаралар барысын баяндаса, «Болашақ» қайырымдылық мекемесі директорының тәрбие ісі жөніндегі орынбасары Дулат Оспанғалиев «Болашақ» және «Ертіс» қайырымдылық мекемелеріндегі тәрбие жұмыстары туралы айтып өтті.
Әлеуметтік жағынан аз қамтылған отбасыларда тәрбиеленіп жатқан оқушылар мен студенттерді тұрғылықты орынмен қамтып, материалдық жағдайын жасап отырған «Болашақ» қайырымдылық мекемесі 1998 жылдан, «Ертіс» қайырымдылық мекемесі 2010 жылдан жұмыс істеп келе жатыр. Бүгінде екі мекемеде өңірдегі 12-18 жас аралығындағы 100-ге жуық бала тәрбиеленуде.
Жадыра ТӨЛЕГЕНҚЫЗЫ,
«Семей таңы»
