Жыл сайын қалалық мәслихат депутаттары «Мектепке жол» акциясына қатысады. Оның мақсаты тұрмысы төмен, көп балалалы отбасылардан шыққан, жетім және ата-анасының қамқорынсыз қалған балаларға материалдық көмек көрсету болып табылады. Биыл да депутаттық корпус мәслихат хатшысы Бейсенбек Ақжаловтың басшылығымен 1 қыркүйекте мұқтаж отбасылардың балаларына қайырымдылық көмек көрсетті. № 5 сайлау округінің депутаты Айдар Ибраев 600000 теңгеге 24 баланы мектеп киімі мен оқу құралдарымен қамтамасыз етті. № 24 сайлау округінің депутаты Дариға Дайрова Абай атындағы кітапханада «Отбасы орталығы» қоғамдық қорымен бірлесе өткізілген іс-шарада 72000 теңгеге 10 оқушыға оқу құралдарын тарту етті. Аталған іс-шараға № 21 сайлау округінің депутаты Айнұр Арғынбекова да қатысып, оқушыларға 55000 теңге оқу құралдарын тапсырды. Сонымен қатар ол мектеп бітірген 3 түлекке өзі басшылық ететін Қайнар колледжінде өздері таңдаған мамандықтары бойынша оқу грантын ұсынды. № 22 сайлау округінің депутаты Рафаиль Хазипов 350000 теңгеге №43 жалпы орта білім беретін мектебінің ғимаратын жөндеуге қолдау көрсетті. Марлен Көкрекбаев, Андрей Алтайбаев, Сергей Покатилов, Жанат Молдағалиева, Марат Сандыбаев, Бауыржан Кайрамбаев, Сергей Родионов және басқа депутаттар да жоғарыда аталған акцияға белсене қатысты. Депутаттық корпустың осы бағыттағы жұмысы жыл бойы жалғаса береді.
Қалалық мәслихат аппараты.
