АЙМАҒЫМЫЗ ҮЗДІК БЕСТІКТЕ
ШҚО барлық көрсеткіштер бойынша елімізде үздік бестікке енді. Бұл туралы аймақ басшысы Даниал Ахметов қалалар мен аудандар әкімдерінің қатысуымен бірінші тоқсанның қорытындысы бойынша өткен кеңес барысында айтты.
— Экономикалық көрсеткіштерде жалпы өсім бар және облысымыз барлық көрсеткіштер бойынша үздік бестікке енді. Бірақ үнемі бақылауды қажет ететін бірқатар мәселелер бар. Атап айтқанда, бұл — баға. Мен Семей мен Өскемен әкімдеріне елеулі ескертулер жасадым, онда «үй жанындағы»дүкендерді тексеру бойынша жұмыс жүргізілмейді. Облыс орталығында олардың 30-ы ғана тексерілді, ал мұндай сауда нүктелерінің жалпы саны 3000-нан асады, — деп жазды облыс әкімі өзінің әлеуметтік желілердегі жеке парақшасында.
Даниал Кенжетайұлы әкімдерге қалалық және облыстық мәслихаттардың депутаттарымен бірге баға белгілеу мәселелерін нақты бақылауға алуды тапсырды.
Аймақ басшысы Даниал Ахметов сондай-ақ Алакөлдегі демалыс базаларының иелері салықты заң шеңберінде төлеуі тиістігін мәлімдеді. Салық комитетінің мамандарына Алакөл жағалауында жұмыс істейтін кәсіпкерлермен кездесуге тапсырма берілді.
— Пандемия кезінде біз түрлі жеңілдіктер жасадық, бірақ қазір кәсіпкерлердің әлеуметтік жауапкершілік танытатын кезі келді, — деп жазды аймақ басшысы.
Сонымен қатар облыс басшысы қазірден бастап жылу желілерінің келесі жылыту маусымына дайындығы мәселесін егжей-тегжейлі қарастыру маңызды екенін атап өтті.
— Бұл әсіресе Риддер ЖЭО-ға қатысты, оның қызметінде көптеген мәселелер бар. Сондай-ақ Глубокое қазандығының құрылысын аяқтау мәселесі бойынша түрік инвесторларымен міндетті түрде кездесемін, — деп жазды аймақ басшысы.
Анар АХМЕТҚАЛИЕВА,
«Семей таңы»
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
