Ағымдағы жылдың 15 сәуірінде Әуезов кентінде «Сарыбас» шаруа қожалығында отандық сүт өңдеу цехын пайдалануға беру бойынша ұзақ мерзімді жоба іске қосылды деп хабарлайды SemeyTany.kz ақпараттық порталы.
Шаруашылық симментал тұқымды сүт бағытындағы сиырларды өсірумен айналысады. Бұл жұмыстың өңір экономикасының дамуында елеулі маңызы бар, ең бастысы — баға, сапа және қолжетімділік. Өндірілген тауар сертификатталған, фирмалық қаптамасы бар, майлылығы 3,2% — ды құрайды, жарамдылық мерзімі 5 күн, өндірушінің бағасы бойынша 1 литріне 250 теңге мөлшерінде жергілікті азық-түлік дүкендеріне жеткізіледі. Қызметтің осы түріне рұқсат беру құжаттары (оның ішінде санитариялық-эпидемиологиялық қорытынды) бар.
«Жергілікті кәсіпкерлер мен тұрғындарды отандық тауар өндірісін қолдауға шақырамыз, сол арқылы жергілікті нарықты бағаның қолжетімділігімен қамтамасыз етеміз!»,- деп жар салды Жарма ауданы әкімділігінің ресми инстагарам парақшасында.
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
