Жарма ауданының әкімі Нұрлан Борсықбаевтың қатысуымен өткен кезекті баспасөз мәслихатында аудан әкімі өңірде өткен жылы атқарылған жұмыстарға шолу жасап, алдағы жоспарлармен бөлісті.
Өнеркәсіп саласы экономиканың негізгі драйвері болды – өндіріс көлемі 398,9 млрд теңгеге жетіп, 26,5 пайызға өсті. Оның ішінде тау-кен өнеркәсібі 370,4 млрд теңгеге, өңдеу өнеркәсібі 23,8 млрд теңгеге жетті.
Өнеркәсіп саласы экономиканың негізгі драйвері болды – өндіріс көлемі 398,9 млрд теңгеге жетіп, 26,5 пайызға өсті. Оның ішінде тау-кен өнеркәсібі 370,4 млрд теңгеге, өңдеу өнеркәсібі 23,8 млрд теңгеге жетті.
Инвестициялар көлемі 2023 жылмен салыстырғанда 7,9 пайызға кеміп, 69,1 млрд теңгені құрады. Негізгі үлесті «Казахавтожол» және «Бақыршық тау-кен кәсіпорны» иеленді.
Құрылыс жұмыстарының көлемі үш еседен астам өсіп, 56,9 млрд теңгеге жетті. Бұл көрсеткішке республикалық жолдардың қайта жаңғыртылуы зор үлес қосты. Жол сапасын жақсарту бағытында «Ауыл – Ел бесігі» жобасы аясында бірнеше ауылда жөндеу жұмыстары атқарылды.
— «Ауыл – Ел бесігі» жобасы аясында Шалабай ауылындағы Мәсәлім көшесінің 2,164 шақырым жолына, сонымен қатар, облыстық бюджет қаражаты есебінен аудандық маңызы бар жолдарға орташа жөндеу жүргізілді. Атап айтқанда: Шар – Кезенсу бағыты бойынша 3,5, (жалпы ұзындығы 6,6 км), Жаңғызтөбе – Жарық бағыты бойынша –3,1 шақырым жол асфальтталды. Атқарылған жөндеу жұмыстарының нәтижесінде қанағаттанарлық жағдайдағы жолдардың үлесі 78,8 пайыздан 82,1 пайызға дейін артты. Қалбатау ауылы мен Шар қаласының ішкі жолдарына ағымдағы жөндеу жұмыстары жүргізілді. Абаттандыру бағытында облыстық бюджет есебінен Шар қаласының кіреберіс аркасынан көпірге дейінгі аралықта және Сарыарқа ауылында көше жарықтандыру жүйесі орнатылды,- деді аудан әкімі.
Ауыл шаруашылығы саласында жалпы өнім көлемі 41 млн теңгеге асып, 2023 жылмен салыстырғанда өсім 6,9 пайызды құраған. Мал басының саны, ет және сүт өндірісі де өсім көрсетті. 17 мың тоннадан астам ет, 37 мың тонна сүт, 3 мыңнан артық жұмыртқа өндірілген.
Аудан әкімі атап өткендей, құрылыс саласында 56 млн теңгеге құрылыс-монтаж жұмыстары орындалып, 14 мың шаршы метр тұрғын үй пайдалануға берілген.
Әлеуметтік салада да оң өзгерістер байқалады.
— Облыстық бюджеттен 231,2 млн. теңге бөлініп, 14 жоба іске асырылды. Карелин орта мектебінің, Абай атындағы мектеп бала-бақша кешенінің жылу жүйесі, Қалматаев, Ақтайлақ би, Тұрсынов, Көшек мектептері және «Балауса» балабақшасының шатырлары, Крупская, Георгиевская, Бірлік мектептерінің жылу қазандықтары жөнделіп, Қасенұлы, Қобдықов, Ұзынжал мектептері мен «Ақбота» балабақшасы ағымдағы жөндеуден өтті.
Облыстық бюджеттен бөлінген 89,9 млн. теңгеге Қалматаев, Гергиевка орта мектептеріне биология кабинеттері, Абай, Жаңғызтөбе мектеп балабақша кешендеріне және Георгиева орта мектебіне STEM құрылғылары, Теряев орта мектебіне физика кабинеті, Хасенұлы, Крупская, Бірлік орта мектептеріне химия кабинеттері құрылғылары сатып алынды. Жарма технологиялық колледжінің жатақханасын жөндеуге облыстық бюджеттен 42,3 млн. теңге, шеберхана, гараж, бокс ғимараттарына ағымды жөндеу жұмыстарына 113,6 млн. теңге бөлінді,- деді аудан әкімі.
Денсаулық сақтау саласында Қаратөбе, Жарық, Жарма ауылдарында 3 фельдшерлік-акушерлік пункт, Сұлусары, Салқынтөбе, Белтерек, Қапанбұлақ, Жайма, Көшек, Узынжал ауылдарында жиыны 7 медициналық пункт бой көтерген. Аудандағы медициналық мекемелерде 76 дәрігер мен 315 орта медициналық қызметкер пациенттерге қызмет көрсетуде.
Ауданда туберкулезбен ауыратындардың саны 2023 жылмен салыстырғанда 3 адамға артса, ал онкологиялық аурулардың көрсеткіші 19 жағдайға төмендеген.
Медициналық құрал – жабдықтармен қамту мақсатында УДЗ, электрокоагулятор, рентген жүйесі , электрокардиограмма, қысым мониторингі жүйесі, Нyled 200 М хирургиялық жарық диодты шамы, гидравликалық реттелуі бар медициналық гинекологиялық кресло , электрондық таразы — жиыны 393,3 млн. теңгеге құрылғылар алынып, іске қосылған.
