ШҚО бойынша мемлекеттік кірістер департаментінің қызметкерлері аймақтағы Экономикалық тергеу департаментінің қызметкерлерімен бірге Өскемен қаласында алкоголь өнімін заңсыз өндіру дерегін анықтады, деп хабарлайды ҚазАқпарат.
Ведомствоның мәліметінше, онда антисанитариялық жағдайда күшті спирттік ішімдіктерді дайындаудың толық циклі ұйымдастырылған.
«Тексеру барысында 2 145 дана «Түркістан« коньягы, 12 945 коньяк бұйымдары, 620 дана «ОША« арағы, 4 000 бос шыны бөтелкелер ыдысы, 15 000 арақ қалпақшалары, қақпақтарды мөрлеуге арналған 2 құрылғы, сорғы мен шлангтарға қосылған 500 литрден астам спирті бар пластикалық ыдыс табылды. Аталған дерек бойынша қылмыстық іс қозғалды. Сондай-ақ, әкімшілік іс қозғау мәселесі қарастырылуда», — делінген ақпаратта.
БІЗДІ ӘЛЕУМЕТТІК ЖЕЛІЛЕРДЕН ОҚЫҢЫЗ!
