Православтық христиандардың іліміндегі аса қасиетті саналатын жәдігер Иса пайғамбардың анасы Мәриям ананың белбеуі аптаның жұма күні Семей қаласына жеткізілді. Осыған орай шаһардағы «Воскресенск» шіркеуінде өңір православтарының діни салт-жоралғысы ұйымдастырылды.
Бұл күні ғибадатханаға келушілердің қарасы ерекше қалың болды. Православтық христиандар көне заманнан бері қасиетті санайтын Мәриям ананың белбеуі жайлы айтылатын аңыз-әфсаналар өте көп. Тек православ сеніміндегілер ғана емес, өзге де күллі христиан әлемі оған ерекше құрметпен қарайды.
Бізге жеткен деректерге сүйенсек, түйе жүнінен әзірленген белбеуді Мәриям ана бір жесір әйелге сыйға тартқан екен. Ол өз кезегінде көзінің қарашығындай сақтап, ұрпақтарына табыс етіпті. Содан бері арада 20 ғасырдан астам уақыт өтсе де бұл тарихи жәдігер көптеген христиан сеніміндегі адамдар үшін маңыздылығы ерекше саналады. Бүгінде Грекия елінің астанасы — Афины қаласындағы үлкен шіркеуде сақ- таулы. Тек биыл ғана Қазақстан қалаларын аралатуға рұқсат етіліпті.
{jcomments on}Шіркеуде өткен уағыздар барысында қазақстандық митрополит Александр қасиетті белбеудің хикметі, оның аман сақталуы мен бүгінгі күнге жетуі туралы әңгімелеп берді.
Сондай-ақ, Мәриям ананың бел-беуін алып жүрген дінбасы ретінде Астана және Алматы митрополиті рухани құндылықтар жайлы, құдайға және адамдарға сүйіспеншілік жайлы айтып өтіп, арнайы дұға жасады.
Осыдан кейін қаламыздың православтары діни жоралғы литургия оқуға кірісті.
Өз тілшіміз.
