Семей қаласының 167-ші, 238-ші және басқа да сайлау учаскелеріне тілшілеріміз барып мән жайын біліп қайтты. Күннің жауынды болуына қарамастан келушілер көптеп келіп жатыр екен, — деп хабарлайды ABAI AIMAQ MEDIA, Semeytany.kz ақпараттық порталы.
— Біздің 167 сайлау учаскесі Семей қаласының сол жағалауында орналасқан. Дауыс беруге 2550 адам тіркелген. Соның ішінде 25 адам үйден дауыс беруге өтініш берген болатын
Дауыс беруші азаматтардың белсенділігі жақсы. Бірқатар тұрғындар таңертеңгі сағат 7 болмастан келіп, учаскенің ашылуын күтіп тұрды. Дауыс берушілер қатары сағат сайын артып келеді,- дейді №167-ші сайлау учаскесіндегі референдум комиссиясының төрайымы Гүлжан Тастекеева.
№238 сайлау учаскесінде қазіргі уақытқа дейін 150 адам дауыс берген.
— Таңертеңнен бергі дауыс берушілер белсенділігі орташа. Қазіргі уақытта 150 адам дауыс беріп үлгерді. Ал денсаулық жағдайларына байланысты үйден дауыс беруге 10 адам өтініш білдірді. Түскі уақытта дауыс берушілер саны бәсеңдейтін болса, үй аралап, дауыс жинайтын боламыз. Біздің ауданда көбінесе зейнеткерлер тұрады. Аға буын өкілдерінің белсенділігі жоғары болатыны белгілі,- дейді №238 сайлау учаскесіндегі референдум комиссиясының төрағасы Аскар Мукатов
