Семейде жол төсемін жөндеу және қалпына келтіру жұмыстары қарқынды түрде жүргізілуде.
Биылғы жоспар бойынша қалада жалпы ұзындығы 60,2 шақырым болатын 62 көшенің жолдарын орташа жөндеу жоспарланған.
Қазіргі таңда Аймауытов, Ибраев, Мәңгілік ел, Сәтбаев, Пржевальский, Челюскинцев, Байсалықов, Бегалин (Дәстенов көшесінен Челюскинцев көшесіне дейін), Чехов көшелерінде және Энергетик шағын ауданында жол жөндеу жұмыстары жүргізілуде.
Бүгінгі күні Толстой, Бегалин (Қаржаубайұлы көшесінен Пархоменко көшесіне дейін), Пархоменко, Қабылбаев көшелерінде, сондай-ақ Шугаев көшесі, 162А мекенжайындағы өрт сөндіру бөліміне кіру жолдарының жөндеу жұмыстары аяқталды.
Қала әкімдігінің жолаушылар көлігі және автомобиль жолдары бөлімі шаһардың сол жағалауы мен орталық бөлігінің көшелерін орташа жөндеуден өткізуге конкурстық рәсімдерді дайындауда.
Аймауытов көшесінде жол төсемін фрезерлеу жүргізілді және қиыршық тасты-мастикалық асфальтбетон – 10 (4 см) үстіңгі қабатын төсеу бойынша ірі түйіршіктелген асфальтбетон төселді. Учаскенің жалпы ұзындығы 1,7 шақырым.
Чехов көшесінде (Чайковский көшесінен Қабанбай батыр көшесіне дейін) ұзындығы 0,5 шақырым қиыршық тасты-мастикалық асфальтбетон – 10 (4 см) тегістеу қабаты төселді және үстіңгі қабатын төсеу жұмыстары жүргізілді.
Екі көшедегі жолдарды жөндеуге 12 жұмысшы мен арнайы техникалар жұмылдырылды.
Бұл көшені асфальттау жұмыстары келесі аптада аяқталады. Жалпы, Аймауытов және Чехов көшелерінің барлық жөндеу жұмыстары маусым айының соңында аяқталады.
Динара НҰРЛЫБЕКҚЫЗЫ,
«Семей таңы»
