Мемлекет басшысының келісімі бойынша, бас прокурордың бұйрығымен Ерлан Масғұтұлы Абаев Абай облысының прокуроры болып тағайындалды.
Ерлан Абаев 1969 жылы 25 қазанда Павлодар облысы Баянауыл ауданы Баянауыл ауылында дүниеге келген. 1993 жылы Е.А.Бөкетов атындағы Қарағанды мемлекеттік университетін тамамдап, заңгер мамандығын алған.
1988 — 1989 жылдары ҚР Қарулы Күштері қатарында әскери міндетін өтеді.
1992 жылдан бастап Ильичевск ауданында тергеуші және прокурордың көмекшісі қызметтерін атқарды.
1994 — 1996 жылдар аралығында Павлодар облысының прокуратурасында аса қауіпті қылмыстарды тергеу бөлімінің аға тергеушісі болып қызметі етті. Одан соң 1998 жылға дейін Павлодар облысы прокуратурасының сот басқармасының прокуроры болды. Кейіннен Ертіс ауданының, Успен ауданының прокуроры, ал 2010 жылғы сәуірден бастап 2016 жылға дейін Павлодар қаласының прокуроры қызметтерін атқарды. 2016 — 2017 жылдары Бас прокуратураның Қылмыстық қудалау департаменті бастығының орынбасары қызметінде болды. 2017 — 2018 жылдары аталған департаментті басқарды.
2018 жылы шілде айында Маңғыстау облысының прокуроры болып тағайындалды.
Сыныптық шені — 3-сыныпты мемлекеттік әділет кеңесшісі.
