Осымен сегізінші рет әлем палуандарын жинап отырған Қазақстандағы Бүкіләлемдік біріккен күрес әлемі қауымдастығы күнтізбесіне енген Халықаралық турнир әлем кубогы болып өтіп, бүгінде әлемдік Гран-При мәртебесін иеленді.
Қазақ күресінен Ырғызбай Досханаұлы атындағы Әлемдік Гран При бәсекесінде бақ сынасатын әлемнің он бес мемлекетінен қырықшақты балуан келді.
Балуандар шеруін Әзірбайжан елінің балуандары бастап шықты. Ауғаныстан, Эстония, Грузия, Үнді елінен, Қырғызстан, Молдавия, Монғолия, Польша, Филлипин, Сербия, Тәжікстан, Өзбекстан, Иран, Греция, Республикасы, Оңтүстік Корея, Болгария, Турция, Литва, Латвия, Румыеия, Түркіменстан және өз еліміздің балуандары үш салмақ дәрежесі бойынша күрес бастады.
Абай облысының әкімі — Ұранхаев Нұрлан Тельманұлы, Гран При бәсекесінің Бас төрешісі — Олимпиадалық дәрежедегі төреші, ЮНАЙТЕД-тің бас хатшысы Эдмар Абдуллаев, жарыстың бас хатшысы — Халықаралық дәрежедегі төреші Нұрлыбек Ермағамбетов, ҚР Жазушылар Одағының төрағасы — Ұлықбек Оразбайұлы Есдәулет, Кино және театр актері, кино режиссер, Қазақстанның Халық әртісі, Мемлекеттік сыйлықтың лауреаты, Құрмет орденінің иегері — Досхан Жолжақсынов құттықтау сөз сөйледі.
