ШҚО – на тарайтын «Семей таңы» газетінің ұжымымен етене жақын әріптестік байланыс орнатқан аудандардың бірі – Тарбағатай. Аудан әкімі Ділдабек Оразбаевтың газетке деген оң көзқарасының нәтижесінде соңғы бір жыл көлемінде Тарбағатай ауданының тұрғындары өздернің байырғы басылымдарымен қайта қауышты. Алаш арыстарының ізі қалған газетінің биыл 95 жылдық мерейтойы. Жағымды жаңалықтардың жаршысы болып, танымдық, тарихи мақалаларымен ерекшеленетін басылымға тарбағатайлықтардың қашан да алғыстан басқа айтары жоқ. Әсіресе, өзім басқарып отырған Ырғызбай ауылдық округінің тұрғындары «Семей таңы» газетінің әр санын асыға күтіп, аудан тынысынан хабардар болып отырады.
«Семей таңы» газетенің 95 жылдық мерейтойына орай Ырғызбай ауылдық округінің тұрғындары 2014 жылдың екінші жарты жылдығына 95 дана газетке жазылғандығын хабарлай отырып ұжымға шығармашылық табыс тілеймін.
Айгүл ИМАНҒАЛИЕВА,
Тарбағатай ауданы,
Ырғызбай ауылдық
округінің әкімі{jcomments on}
