QR КОД АРҚЫЛЫ ҚОЛ ҚОЯ АЛАСЫЗ
Шығыс Қазақстан облысының тұрғындары енді EGOV mobile мобильді қосымшасының Сот кабинетінде құжаттарға қол қоя алады. Қазақстан Республикасы Жоғарғы Сотының Сот кабинетімен бірлескен интеграция олардың сайтында авторизациялануға және eGov mobile-да QR-кодты сканерлеу арқылы құжаттарға қол қоюға мүмкіндік береді.
Жаңа опция талап-арыздарға, арыздарға, сенімхаттарға, хаттарға Қазақстан Республикасы Жоғарғы сотының сайтында қол қоюға, сондай-ақ осы сайтта мобильдік қосымшадағы QR-кодты сканерлеу көмегімен авторлануға көмектеседі.
— «Ұлттық ақпараттық технологиялар» АҚ командасы мемлекеттік қызметтерді алу үдерісі әлдеқайда жеңіл және жылдам өтуі үшін мобильдік қосымшаның функционалы мен мүмкіндіктерін кеңейту бойынша жұмыс істеуде. Қазіргі уақытта қазақстандықтардың тағы бір мүмкіндігі бар — үйден шықпай және уақытты үнемдеп, Egov QR көмегімен Сот кабинетінде құжаттарға қол қоя алады. Бұл мемлекеттік қызметтерді алу тарихындағы ең озық тәсіл болып отыр. Мұны eGov mobile мобильдік қосымшасының қарқынды дамуы деп санаймыз, — деп атап өтті «Ұлттық ақпараттық технологиялар» АҚ Басқарма төрағасы Ростислав Коняшкин.
Жаңа мүмкіндіктерді пайдалану үшін eGov mobile пайдаланушыларына қосымшада авторлану қажет, Сот кабинетінде қол қою түрін таңдау қажет — «QR көмегімен қол қою», жоғарғы оң жақ бұрышында eGov mobile басты бетінде «ақ шаршыны» басу, eGov QR сканерлеу және қол қою. Сұрауды сәтті өңдеген кезде ұялы телефон экранында «қол қою сәтті аяқталды!» деген жазба шығады.
«Ұлттық ақпараттық технологиялар» АҚ Басқарма төрағасының айтуынша, eGov mobile электрондық үкіметтің мобильді қосымшасы iOS жүйесін пайдаланушылар үшін App Store платформаларында, сондай-ақ Android жүйесін пайдаланушылар үшін Play Market және App Gallery платформаларында қолжетімді.
— Бүгінгі таңда eGov Mobile-да шамамен 400 мемлекеттік қызмет қолжетімді, оның ішінде 150 портал қызметі eGov. kz, e-license порталының жеке тұлғаларға арналған 250 қызметі бар. Ай сайын оны 2,4 млн-ға жуық қазақстандық белсенді түрде пайдаланады және айына 50 мыңға жуық мемлекеттік қызмет көрсетіледі, — дейді ол.
Қосымшада сіз бірнеше үлкен бөлімдерді көре аласыз, олардың көмегімен қажетті құжатты немесе қызметті оңай таба аласыз.
