Заңғар жазушы Мұхтар Омарханұлы Әуезовтің туған жері Бөрілідегі Әуезов музей-үйінде Alikhan Bokeikhan University, Абай музейінің ұйымдастырумен М.Әуезовтің 125 жылдық мерейтойына арналған «Мұхтар Әуезов шығармашылығы ХХІ-ғасыр ғылымы кеңістігінде» атты Халықаралық ғылыми-тәжірибелік конференциясы өтті.
Конференция барысында заңғар жазушы, ғалымның мұрасын заманауи ғылыми көзқарастар тұрғысынан бағамдап, әуезовтану ғылымын жандандыру мақсатында Түркия, Қырғызстан, М.О.Әуезов атындағы Әдебиет және өнер институты, Қожа Ахмет Яссауи атындағы Қазақ-Түрік университеті, Әлихан Бөкейхан университетінің ғалымдары және Абайдың “Жидебай-Бөрілі” мемлекеттік музей-қорығының ғылыми қызметкерлері баяндама жасады.
