Ағымдағы жылдың басынан бері 5673 отбасыға атаулы әлеуметтік көмек тағайындалды. Бұл отбасыларда 18 жасқа дейінгі 17 707 бала да тәрбиеленіп жатыр. 1 жастан 6 жасқа дейінгі аз қамтылған отбасылардан шыққан 7000-нан астам бала табиғи түрдегі азық-түлік және тұрмыстық химия жиынтығы түріндегі қосымша кепілдендірілген әлеуметтік пакет алды.
Бұдан басқа, мүгедек балаларды тәрбиелеп отырған 2 519 отбасыға 37817,2 мың теңге (15000 теңгеден) сомасына бір жолғы көмек көрсетілді. Мүгедек 523 балаға 73857 мың теңге сомасына үйде оқытуға жұмсалған шығындар өтелді.
Атаулы күндерге орай, жергілікті бюджет қаражаты есебінен 30 мыңнан астам азаматқа бір жолғы және ай сайынғы көмек түрінде әлеуметтік төлем төленді.
Сонымен қатар әлеуметтік қызметкерлер стационар, жартылай стационар жағдайында, үйде және уақытша болу ұйымдарында арнаулы әлеуметтік қызметтер көрсетеді.
Қазіргі уақытта облыста 18 арнаулы әлеуметтік қызмет көрсету орталығы жұмыс істейді. Оның ішінде стационар жағдайында 5, жартылай стационар жағдайында 8, үйде қызмет көрсету жағдайында 11 орталық бар.
Бүгінгі таңда мемлекеттік және үкіметтік емес ұйымдарда арнаулы әлеуметтік қызметтермен 5 мыңнан астам адам қамтылған.
Абай облысының әкімдігі
