Бүгінгі таңда заң жобасына тиісті өзгерістер енгізілген және көлікті тіркеу үшін төленетін алым 200 мың теңге деп белгіленді.
Қандай көліктерді елде заңдастыру мүмкін емес? Іздеу жарияланған және кедендік тазалаудан өтпеген, 2022 жылдың 1 қыркүйегінен кейін елге кіргізілген көліктер заңдастырылмайды.
Көліктерді заңдастыру қашан басталады және қанша уақытқа созылады? Заңдастыру тиісті заң жобалары күшіне енген соң және Үкімет сәйкес қаулы қабылдағаннан кейін басталады. Сондай-ақ жарты жылға созылады деп жоспарланып отыр.
Рөлі оң жақта орналасқан көліктер заңдастырыла ма? Иә, бірақ іздеуде болмауы керек және кедендік тазартудан өтуі қажет.
Көлікті заңдастыру үшін қанша төлеу керек? Негізгі төлем – бастапқы тіркеу үшін 200 мың теңге. Одан кейін техпаспорт пен мемлекеттік нөмір алу үшін төленетін 13 171 теңге.
