“AMANAT” партиясының Абай облыстық филиалының атқарушы хатшысының м.а., партиялық бақылау комиссиясының инспекторы М.Құржықаева, қоғамдық қабылдау бөлімінің меңгерушісі Б.Омаров “Сыбайлас жемқорлыққа қарсы іс-қимыл” тақырыбында ҚР ІІМ Абай облысы бойынша Қылмыстық-атқару жүйесі департаментінің №20 мекеме қызметкерлерімен кездесу өткізді.
Кездесу барысында облыстық филиал өкілдері “AMANAT” партиясының сайлауалды бағдарламасы туралы түсіндірме беріп, партияның алға қойған мақсат-міндеттерін айтты.
Партияның сайлауалды бағдарламасында “Жемқорлықтан арылған, қауіпсіз және құқықтық мемлекет” атты бөлім бар. Бұл бөлім “Азаматтардың жеке қауіпсіздігі мен құқықтарына кепілдік беру”, “Азаматтардың құқығын мүлтіксіз сақтауды қамтамасыз ету”, “Жемқорлықты жою”, “Халық байлығын елге қайтару” тармақшаларынан тұрады.
— Құқықтық мемлекеттің заңнамасы қолжетімді, қарапайым және қисынды болуы керек. Әрбір азамат заң мәнін, өз құқықтары мен міндеттерін түсінеді. Сот корпусын жаңарту жалғасын табады, судьяның сайлануы мен тәуелсіздігінің озық қағидаттары енгізіледі. Біз салалар бойынша қоғамдық омбудсмендер институтын енгіземіз. Әкімшілік істерді қарау мерзімі қысқарады, сот процесінде тараптардың теңдігі қамтамасыз етіледі. Сонымен бірге біз «Құқықтық көмек» партиялық жобасы арқылы азаматтарға кәсіби құқықтық көмек көрсетеміз, — делінген сайлауалды бағдарламасында.
Жиын барысында мекеме қызметкерлері тарапынан алдағы уақытта Мәжіліс депутаттарымен кездесу өткізілсе деген өтініш айтылды.
