Қазақстандық боксшы Асланбек Шымбергенов 2023 жылғы әлем чемпионатының үшінші алтынын жеңіп алды. Бұл туралы Stan.kz ақпарат агенттігі “Спорт Шредингера” парақшасына сілтеме жасап хабарлайды.
Асланбек Шымбергенов Қазақстанға 2023 жылғы әлем чемпионатының үшінші алтынын әкелді. Ол өзбекстандық боксшы Саидшамшид Джафаровты жеңді.
29 жастағы Шымбергенов мансабында екінші рет әлем чемпионатында өнер көрсетуде. Дегенмен бұл медаль оның алғашқы медалі. Өткен жылы тараздық боксшы Азия чемпионатының финалына дейін жеті. Ал 2018 жылы Азия ойындарының алтынын жеңіп алған болатын.
Бұған дейін қазақстандық боксшылар Санжар Тәшкенбай (48 келіге дейін) пен Махмұд Сабырхан (54 келі) алтыннан алқа иеленді. Дулат Бекбауов (67 келіге дейін) күміс медальді еншіледі.
