Асқар Жұмаділдаевтың ұлы, жас зерттеуші Сағын Жұмаділдаев АҚШ-тың Даллас қаласында өткен Халықаралық ғылыми-инженерлік көрмеде (ISEF) Mu Alpha Theta академиясының 2-дәрежелі дипломы мен 1000 долларлық сыйлығына ие болды. Оның зерттеу жұмысы мен бағдарламалау дағдылары қазылар алқасының назарын аударды және осы саладағы үлкен жетістік ретінде танылды,- деп хабарлады nege.kz
ISEF – әлемдегі жас өнертапқыштардың ғылыми зерттеулері мен техникалық құрылғыларын ұсыну үшін жиналатын жарыс. Бұл іс-шара инновациялық идеялар мен шешімдерді, соның ішінде, талантты жастардың бағдарламалау саласындағы жетістіктерін көрсетуге арналған алаң.
Сағын Жұмаділдаев қазылар алқасы мен көрмеге келушілерді өзінің жобалық жұмысымен таң қалдырды. Ол белгілі ғалым Мурдың аймақты тромино блоктарымен толтыру жайындағы әдісі аймаққа бір клетка қосылса да, немесе бір клетка алынып тасталса да қолданылатынын математикалық әдістермен дәлелдеді.
Mu Alpha Theta академиясының негізгі мақсаты – Ұлттық орта мектеп және колледж студенттеріне математиканы құрметметтеуге және математиканы үйренуге көмектесу. Mu Alpha Theta сыйлығы орта мектеп оқушыларына математикаға қатысты мәселелерінің жан-жақты мұқият және шығармашылық зерттеулері үшін беріледі. Сағын жұмысының ерекшелігін компьютер есептеулерінің дұрыс екенін анық математикалық дәлелдермен келтірді. Әсіресе баған саны төрт болса мектеп бағдарламасына негізделген әдемі де қарапайым әдісі бар екенін байқатты.
Сонымен қатар Сағын Жұмаділдаевтың жетістігі Қазақстанда және басқа елдерде ғылым, технология, инженерия және математика (STEM) саласында білім беруді дамыту мен қолдаудың маңыздылығын көрсетеді. Бүгінгі таңда бағдарламалау мамандары мен инженерлер қоғамда маңызды рөл атқарады.
