Балаларды қорғау күніне орай ұйымдастырылған тікелей эфирдің алғашқы қонағы облыстың бас штаттан тыс педиатр дәрігері Дайрабаева Мәдениет болып, балалардың денсаулығын сақтау және аурудың алдын алу әдістеріне тоқталды.
«Ең алдымен барлық балаларды мерекелерімен құттықтағым келеді. Балалардың қауіпсіздігі ең алдымен ата-ананың жауапкершілігінде, күнде көптеген оқыс оқиғалар, балалармен болған жазатайым оқиғалар, әсіресе демалыс күндері, бұл баланың қараусыз қалуынан болып отыр. Осылайша, медициналық қызметкерлермен профилактикалық медициналық көмек көрсету мақсатында баланың қауіпсіз орта туралы түрлі әңгімелер жүргізілуде». – деп түсіндірді Дайрабаева Мәдениет.
«2022 жылы Абай облысында медициналық сақтандыру аясында 400-ге жуық бала 400 миллион теңгеден астам медициналық тексеруден өтті, ота жасалған балалар саны 3 мыңнан астам болса, тәулік бойы жұмыс істейтін ауруханалардағы балалар саны 13 мыңнан асты», — деді Ғалымжан Әбілов.
Еске сала кетейік, 18 жасқа дейінгі балалар жеңілдетілген санатқа жатады. Яғни, мемлекеттік медициналық көмек көлемін, міндетті әлеуметтік медициналық сақтандыру, оның ішінде стоматологиялық қызмет аясында қызмет ала алады.
Абай облыстық бас педиатрдың айтуынша, 18 жасқа дейінгі балалар саны 187 066. Барлығы 5 000 мыңнан астам түрлі аурумен есепте тұрса, 2 500-ден астам мүмкіндігі шектеулі балалар.
Кішкентай науқастар дәрі-дәрмекпен, емдік тамақтанумен «Қазақстан халқына» қоры арқылы қамтамасыз етілуде.
МСАК-да жұмыс патронаттық қызметтің әмбебап прогрессивті моделі бойынша жүргізіледі. Алдын алу шараларын жүргізу мақсатында түрлі мәселелер бойынша түсіндірмелер беріледі. Прогрессивті тәсіл патронаждың әмбебап прогрессивті моделінің схемасына сәйкес олардың өміріне, денсаулығына және дамуына қауіп төндіретін медициналық немесе әлеуметтік тәуекелдерді анықтаған жүкті әйелдер мен балалардың патронаждық мониторингін қамтамасыз етеді.
Айта кетсек, өткен жылы қалада мүмкіндігі шектеулі балаларға (оның ішінде церебральды сал ауруымен ауыратындарға) амбулаторлық және стационарлық деңгейде оңалту қызметін көрсететін «Қамқорлық» оңалту орталығы мен Семей қаласының перинаталдық орталығында ерте араласу орталығы ашылды (1, 2 , 3 реабилитация кезеңдері).
58 маман оқытылды, медициналық жабдықталуы 100%. Бөлімшелер бір қабылдауға 100 балаға есептелген (емдеу курсы – Ерте араласу орталығы және Балаларды оңалту орталығы).
Сонымен қатар, облыста 2022 жылы 5 мыңнан астам бала емделген МСАК-да амбулаторлық-емханалық медициналық оңалту орталықтары жұмыс істейді.
«Біздің мақсатымыз – әр баланың дені сау, бақытты және сүйікті болуы, біз балаларға дені сау БАҚЫТТЫ БАЛАЛЫҚ ШАҚ сыйлауға тырысамыз», – дейді Абай облысының бас педиатры Дайрабаева Мәдениет.
