«Достық – 2023» — аймақ басшылығының бастамасымен өткізіліп отырған алғашқы байқау. Жеңімпаздарды марапаттау рәсіміне облыстың этномәдени бірлестіктері мен Достық үйлерінің өкілдері қатысты.
«Достық – 2023» — аймақ басшылығының бастамасымен өткізіліп отырған алғашқы байқау. Жеңімпаздарды марапаттау рәсіміне облыстың этномәдени бірлестіктері мен Достық үйлерінің өкілдері қатысты.
Абай облысы әкімі аппаратының басшысы Жасұлан Сәрсебаевтың айтуынша, этносаралық диалогты дамытуда өңірдің этномәдени орталықтары ерекше жұмыс жүргізуде.
— Құрметті жерлестер, мен кездесу үшін өте қуаныштымын. Өйткені этномәдени бірлестіктер мен достық үйлері жұмысының арқасында біз дәстүрлерімізді сақтап қана қоймай, оны дәріптейміз. Біздің облысымыз жас болса да, дәстүрлеріміз ғасырлар бойы қалыптасып, халықтар достығы мен бірлігінің үлгісі болып табылатынын мақтан етеміз. Осы жұмыс үшін барлығыңызға алғыс білдіремін. Барлық игі жақсылықтарды тілеймін! — деді Жасұлан Сәрсебаев.
Халықаралық «Қазақ тілі» ҚБ вице-президенті Орал Шәріпбаев Абай облысының әкімі Нұрлан Ұранхаевтың жан-жақты қолдауының арқасында Достық үйі ұлтаралық келісім идеяларын кезең-кезеңімен нығайтуды жалғастыратынын айтты.
— Қатысушылардың әрқайсысы алған марапатына лайық. Бізде бейбітшілік пен келісімнің арқасында қаншама ұлт тұрады. Қазақстанда, өздеріңіз білетіндей, 100-ден астам этнос өкілдері бейбіт өмір сүруде. Достық үйінде жұмыс істеу әрқашан үлкен серпін береді. Облыс әкім Нұрлан Ұранхаевтың қолдауының арқасында бұл жұмыс тоқтамайды, сондықтан мен өңір басшысына ризашылығымды білдіргім келеді, — деді Орал Шәріпбаев.
Абай облысы әкімі аппаратының басшысы Жасұлан Сәрсебаев этномәдени бірлестіктердің өкілдеріне дипломдар мен ақшалай сертификаттар табыс етті.
Марапатталғандардың қатарында Шағангүл Жанаева, Айман Бөкпасарова, Антонина Клиновицкая, Жалил Ахунжанов, Гүлжихан Жұматаева, Орал Шәріпбаев, Сұлтан Картоев және басқалар бар.
Абай облысы әкімдігінің
баспасөз қызметі
