Ағымдағы жылдың ақпан айынан бастап Қазақстанда мұнай газының бағасы өзгерді. Жаңа тариф бойынша автогаздың литрі – 102 теңге болса, ал шалғай аудандарда 107 теңге болып белгіленген. Бұл туралы өңірлік коммуникациялар қызметі алаңында өткен баспасөз маслихатында Абай облысының энергетика және тұрғын үй-коммуналдық шаруашылық басқармасының басшысы Жандос Қайырханов баяндады.
— Энергетика министрлігінде атап өткендей, бағаны түзету қажеттілігі өндірушілердің өсіп келе жатқан шығындарымен байланысты. Сұйытылған газ өндірісінің ағымдағы құны тоннасына 65-75 мың теңгеге дейін, ал өндіруші зауыттар үшін шекті көтерме баға тоннасына 45 мың теңге деңгейінде белгіленген,-деді Жандос Қайырханов.
Сонымен қатар, Қазақстандағы сұйытылған мұнай газының бағасы ТМД елдері арасында ең төмен бағалардың бірі болып қала береді. Бұйрық жобасына сәйкес сұйытылған газдың шекті көтерме бағасы 51 932 теңгеге дейін көтеріледі.
-Қазіргі таңда өңірде газбен жабдықтаумен 18 ұйым айналысады. 32 автожанармай құю станциясы, 8 газ толтыру пункті бар.Сондай-ақ, облыс бойынша айналымда 80 мыңнан астам газ баллоны бар, шамамен 17 688 мың, оның ішінде газ желісі ұйымдарының есептеріне сәйкес ай сайын тұрақты түрде жанармай құйылады-деп, баяндады энергетика және тұрғын үй-коммуналдық шаруашылық басқармасының басшысы.
Алдағы 2026-2029 жылдары Солтүстік-Шығыс өңірлерін газдандыру жобасы аясында магистральдық газ құбырын салу жоспарланған. Бұл жоба Абай облысының 209 елді мекенін қамтиды.
Бүгінде Абай облысының аумағында табиғи газ жоқ, алайда «QAZAQGAZ» Ұлттық компаниясымен және «КАТЭК» ЖШС-мен бірлесіп, Абай облысын газдандырудың енгізілді. Бас схеманы іске асыру 2030 жылға дейінгі перспективамен кезең кезеңмен жүзеге асырылатын болады ,-деп қорытындылады басқарма басшысының орынбасары.
