Семей қаласы әкімдігінің кіші залында жақында Шығыс Қазақстан облысы әкімінің құрылыс және тұрғын үй-коммуналдық шаруашылығы мәселелері бойынша орынбасары болып тағайындалған Димитрий Гариковтың төрағалығымен қаладағы жылу маусымының өту барысына арналған облыстық штаб отырысы өткізілді.
Штаб отырысына Семей қаласындағы 2014-2015 жылдардағы жылу маусымының өту барысы мен «Теплокоммунэнерго» МКК дебюторлық қарызы мен кредиторлық қарызын төмендету бойынша атқарылып жатқан жұ-мыстар барысын талқылады.
Облыс әкімінің орынбасары Димитрий Гариков ағымдағы жылы қардың көп жауатынын, осыған байланысты тиісті мекеме басшылары көшелерді қардан уақтылы тазартып, жұмыстарды күшейту керектігін тапсырып, бұл жұмыстар өз кезегінде автокөлік қатынасын, жолаушылар тасымалы мен жалпы қала өмірін жандандырады деп атап өтті.
Димитрий Гариков штаб отырысын қайта жандандырып, осы бағыттағы жұмыстарды жүйелі жүргізу керектігін, сондай-ақ апта сайын қалада осындай отырыстар өткізілу қажеттігін жеткізді.
— Штаб отырысын қайта жандандырып, жұ-мыстарды күшейткеніміз дұрыс болады. Отырыс-қа бірінші кезекте «Теплокоммуноэнерго» мекемесі, сот орындаушылары қатысып, атқарылған жұмыстар жайында ішкі саясат бөлімі мамандары халықты хабардар етіп отыруы керек. Әрбір берешегі бар тұрғын қарызын қайтаруы қажет. «Теплокоммунэнерго» мекемесі де берешегі барларды жылудан ажыратудың жолдарын қарастырса дұрыс болады, — деген Д.Гариков бұл бағытта ІІБ-мен бірлесе жұмыс жасауда жақсы тәжірибе барын атап өтті. Бұл ретте ол қарызы бар тұрғындармен ішкі істер органдары қызметкерлерін тарта отырып, тиімді жұмыс жасауға болатынын, алдағы уақытта осы бағыттағы жұмысты жандандыру қажеттігін баса айтты.
Бұдан кейін жылу маусымында атқарылып жатқан жұмыстарды баяндаған «Теплокоммунэнерго» МКК-нің техникалық директоры Асхат Букатов биыл қаланы жылумен қамтамасыз ету мақсатында барлық 18 қазандық, 70 жылу пункттері қосылғанын атап өтті.
{jcomments on}- «Теплокоммунэнерго» МКК биылғы жылу маусымын өткізу үшін бірқатар жұмыстар ат-қарды, оған барлығы 169 млн. теңге қаражат жұмсалды. Әртүрлі дәрежедегі бюджеттен 127 млн. теңге қаражат бөлінді. Ағымдағы жөндеу жұмыстары жүргізілді, — деді А.Букатов. Ол, сондай-ақ, Ғаббасов көшесіндегі жылу көзінің барлық үш қазандығы жұмыс жасауға дайын екенін, орталық қазандықтағы үшінші қазандықты ауыстыру аяқталуға жақын қалғанынан да хабардар етті. Бұған қоса, 5,5 шақырымнан астам жылу жүйесі ауыстырылған.
Өз кезегінде облыс әкімінің орынбасары биылғы маусымда аяқталмай қалған барлық жұмыстарды келесі жылу маусымында жүргізуді, оған қазірден дайындықты бастауды айтып, әсіресе дебюторлық қарызға ерекше назар аударуды тапсырды. Бұл ретте қала әкімінің орынбасары Асхат Хосчанов бұл бағытта жүйелі жұмыстар атқарылып жатқанын, нәтижесінде ағымдағы дебюторлық берешекті жинау ай сайын кем дегенде 90 пайызды құрап отырғанын атап өтті.
— Соңғы екі жылда тұтынушылардан берешекті жинау күшейтілген тәртіппен жүргізілді. Осы мақсатта 10 жедел топ құрылып, оның құрамына сот орындаушылары, ІІБ мен ТҮКШ, қалалық әкімдік өкілдері кірді. Осының нәтижесінде ай сайын кем дегенде қарыздың 90 пайызы жиналып отыр. Жергілікті жерлерде бұл 98 пайызды құрады, — деп атап өтті А.Хосчанов.
Жылу берушілер алдындағы қала тұрғындары мен кәсіпорындардың дебюторлық берешектері мен оны төмендету мақсатында атқарылып жатқан жұмыстар жөнінде «Теплокоммунэнерго» МКК бөлім басшысы Гаухар Жетпісбаева толыққанды ақпарат берді. Оның айтуынша, бүгінгі күні ағымдағы берешек 256 млн. теңгені құрайтын көрінеді. Соның ішінде 29 млн. теңге заңды тұлғалар еншісінде екен. Ал берешектің ең көп мөлшері тұрғындардың үлесіне тиіп отыр. Ол бүгінде 222 млн. теңгені құрап отыр.
— Ай сайын тұтынушыларымызға төлем түбіртектерін ұсынамыз, ал екі айдан астам төлем жасамаған тұрғындарға қызмет түрі ажыратылатынын және істің сотқа жолданатынын ескертеміз. Бүгінгі күні қала бойынша сот орындаушыларында жеке тұлғалардың 2543 ісі бар, ол 125 млн. теңгені құрап отыр. Заңды тұлғаларға қатысты 35 млн. теңгені құрайтын 53 іс бар,- дейді Гаухар Жетпісбаева.
Осы ретте Димитрий Гариков атқарушы билік пен коммуналдық қызмет саласының мамандары берешекті қайтару мәселесін әрдайым бақылауда ұстау керектігін атап өтті.
— Жағдайды тиімді бақылап отыру үшін әрдайым бақылау қажет. Ай сайын арнайы кесте жасалып, онда барлық көрсеткіштер болғаны жөн. Бұған қоса қарызды төмендетуде коммуналдық қызмет пен қала басшылығы ғана жұмылдырылмай, бұл іске құқық қорғау органдары және салық басқармасы, сот орындаушылары белсенді араласуы керек. Берешек болу тікелей жылу көздерін жанар-жағармай мен отынмен қамтамасыз етуде қиындық тудырады. Ал ең бастысы жылу берушілердің жалақысы кешіктіріледі. Бүгінгі күні еңбекақы бойынша жалпы қарыз 69 млн. теңгені құрап отыр, — деді Д.Гариков.
Жиын соңында облыс әкімінің орынбасары коммуналдық қызмет көрсететін кәсіпорындары алдындағы берешек мәселесі облыс әкімінің бақылауында екенін, тұтынушылардың берешегін қайтару бойынша атқарылып жат-қан жұмыстарды БАҚ арқылы халыққа көрсету керектігін, осы бағытта түсіндіру жұмыстарын жүргізу қажеттігін атап өтті.
Асан МЫРЗАХАНОВ, «Семей таңы»
