Мемлекет басшысы Нұрсұлтан Назарбаев «Нұрлы жол – болашаққа бастар жол» атты Жолдауында еліміздің әлеуметтік — экономикалық дамуының негізгі бағыттарын айқындай отырып, шағын және орта бизнесті жетілдіру бойынша нақты міндеттерді көрсетіп берді.
«Нұрлы жол — болашаққа бастар жол» атты Жолдауда көрсетілген мақсаттар мен міндеттерді орындау еліміздің экономикасын халықаралық қауымдастықпен байланыстыру арқылы өз әлеуетімізді әлемдік жоғары деңгейге көтерудің жолы болып саналады. Осы ретте шағын және орта бизнеске қолдау білдіру жөніндегі бастамалар жасалуда.
Айта кету керек, Ұлттық қордан шағын және орта бизнесті, сондай-ақ, ірі кәсіпкерлікті жеңілдікпен несиелеуге қосымша 100 миллиард теңге бөліну қажет. Бұл тамақ және химия өнеркә-сібіндегі, машина жасаудағы, түрлі қызмет көрсетулер саласындағы жобаларды жүзеге асыруды қамтамасыз етеді.
Бүгінде Ұлттық қордан шағын және орта бизнесті қолдауға және несиелеуге бағытталған 100 миллиард теңге толықтай игерілді. Бұл 4,5 мың жұмыс орнын ашуға мүмкіндік берді. Бизнесті 10 жылға бар — жоғы 6 пайызбен несиелеудің бұрын — соңды болмаған шарты жасалды. Мұндай шарттар біздің елімізде бұған дейін болған емес. Шағын және орта бизнесті экономикалық өсімнің драйвері ретінде дамыту және оның үлесін 2050 жылға қарай ІЖӨ-нің 50 пайызын ұлғайту бойынша кешенді жұмыстар жалғасатын болады.
Біз шағын және орта кәсіпорындарды ынталандырудан бастап энергетикалық инфрақұрылымды дамытуға дейінгі барлық аспектілерді қамтитын әлеуметтік-экономикалық стратегияның табыстылығына сенімдіміз.
Әлия НУРАЛИНА,
Семей қаласы Әділет басқармасының заңды тұлғаларды
тіркеу бөлімінің бас маманы. {jcomments on}
