Semeytany.kz — Қалада төтенше жағдайларға жедел әрекет ететін жаңа нысан салынып жатыр.
Бүгін облыс әкімінің орынбасары Серік Төленбергенов пен облыстық Төтенше жағдайлар департаментінің бастығы Манарбек Шапағатов құрылыс алаңына арнайы барып, атқарылып жатқан жұмыстармен танысты.
Жаңа өрт сөндіру депосы қаланың сол жағалауында, 0,82 гектар аумақта салынып жатыр. Бұл кешен алты арнайы техникаға арналған тұрақпен қамтылып, заманауи инфрақұрылыммен жабдықталады. Жоба Семейдің қауіпсіздік жүйесін күшейтуге және төтенше жағдай кезінде құтқарушылардың әрекетін жылдамдатуға бағытталған.
Қазіргі таңда құрылыс жұмыстары жоспарға сәйкес жүріп жатыр. 389 КАМАЗ көлігімен 5 мың тоннадан астам топырақ жеткізіліп, іргетас құю және дәнекерлеу жұмыстары басталған.
