Облыс әкімі Д.Ахметовтің тапсырмасы бойынша Шығыс Қазақстан облысының қалалары мен аудандарында сүтті мал шаруашылығын ауқымды дамыту жоспарланып отыр. Бұл тек өзін ғана қамтамасыз етпей, өнімді экспортқа шығаруды да көздейді. Осыған орай аймақта 40-қа жуық кәсіпорын іріктеліп алынды. Оларды дамыту үшін жеке қаражаттар мен инвестициялар ғана іске қосылып қоймай, сонымен қатар салалық бағдарламалардың қорлары да жұмсалады. Солардың қатарына Қ.Аухадиев атындағы ауылдық округтегі «Өрнек» ЖШС 400 басқа арналған сүтті-та-уарлы фермасын қайта құру, әрі қарай ірі қара санын 600 басқа дейін арттыру жобасымен кірді. Осы ретте шаруашылықтың алдағы жоспары жайында округ әкімі Дәурен Қойгелдиннен білдік.
{jcomments on}- Өңір басшысының облыстағы, соның ішінде біздің ауданымыздың ауылшаруашылық бөлімдерінің алдына қойып отырған басты міндеттерінің бірі — сүт өндірісін дамыту болып табылады. «Өрнек» ЖШС-нде 400 басқа арналған сүтті-тауарлы фермасын қайта құру, әрі қарай ірі қара санын 600 басқа дейін арттыру жобасын жүзеге асыру әзірленген. Онда тиімді түрдегі құқықтық — ұйымдастыру мәселелері мен шаруашылық жүргізу механизмдерін анықтау, өнімдерді өндірістен бастап саудаға шығаруға дейінгі технологиялық үрдістерді жетілдіру, басқарудың заманауи жүйесін және инновациялық технологияларды енгізу мәселелері қарастырылған. Осының барлығы кәсіпорынның инновациялық — инвестициялық бағыттағы іс-әрекетін және сүтті мал шаруашылығы саласының тиімділігін қамтамасыз етуі тиіс. Алайда, жалпы, өндірістің істі табысты бастауы үшін, округтің жергілікті тұрғындарын да жұмылдыру қажет, — дейді Дәурен Қойгельдин.
Болашақта ауылда сүт қабылдау орнын ашу жоспары бар. Бұл ретте тұрақты түрде сүт өткізетін жергілікті тұрғындар да анықталған. Мәселен, Преображенка ауылы бойынша 13 адам, Черноярка ауылынан 2 адам және Воздвиженка ауылынан 5, Кішібөкеннен 1 адам. Оларға жеңілдікпен малға беретін жем, құнарландырылған жем-шөп сатып алу, ветеринар дәрігердің көмегімен түрлі аурулардың алдын алу және сауу аппараттарын алу мүмкіндіктері беріледі.
Ауылдағы ағайын алдағы уақытта сүт өткізетін орынның ашылатынынан хабардар. Егер сүт өткізу орны ашылса, ауыл тұрғындары үшін үлкен көмек болатынына сенімді.
— Әрине, біздер, ауылдың барлық тұрғындары, ауылда сүт тапсыру пунктінің ашылатынына аса қуаныштымыз. Қорасында мал ұстап отырған әр тұрғын өзінен артылған өнімдерін өткізіп, сол үшін ақша алатын болады. Бұл дегеніңіз — округте сүт өндірісін кеңейту үшін әр үйде сүтті мал басын арттыруға мүмкіндік беретін жақсы бастама. Сүт қабылдау пунктінің ашылу идеясын ауыл тұрғындары қызу қолдап, оның дамуына өз үлестерін қосады деген ойдамын, — дейді ауыл тұрғыны Светлана Котлярова.
Екатерина СКУДАРНОВА,
Көкпекті ауданы.
