Semeytany.kz – 35 жасқа дейінгі дарынды қазақстандықтарға арналған «Дарын» мемлекеттік жастар сыйлығына құжат қабылдау басталды. Бұл сыйлық ғылым, өнер, спорт, журналистика, қоғамдық қызмет сияқты 10 бағыт бойынша табысталады.
Сыйлыққа халықаралық және республикалық байқаулардың жеңімпаздары, инновациялық жобалармен айналысатын жастар қатыса алады. Үміткерлерден жеке куәлік, жетістіктері туралы анықтама, марапаттар мен жарияланымдар көшірмесі секілді құжаттар талап етіледі.
Өтінімдер 2025 жылғы 26 маусымнан 27 тамызға дейін Астана қаласындағы Мәдениет және ақпарат министрлігіне немесе premiya.daryn@mki.gov.kz электрондық поштасына жолдануы тиіс.
Жеңімпаздар дипломмен, төсбелгімен және қаржылай сыйлықпен марапатталады. Толық ақпарат пен ереже www.gov.kz сайтында жарияланған.
