Semeytany.kz – Абай өңірлік гарнизонында «Шығыс» өңірлік қолбасшылығына қарасты әскери бөлімдердің барлаушылары далалық оқу-жаттығу жиынына қатысуда.
Аталған жиынға Абай, Өскемен, Павлодар және Үшарал гарнизондарынан 500-ден астам әскери қызметші жұмылдырылған. Далалық дайындық шарасы ағымдағы жылдың 8 тамызына дейін «Шығыс» оқу полигонында жалғасады.
Жаттығу барысында әскерилер ату, тактикалық және арнайы даярлық, әскери топография бойынша білімдерін жетілдіреді. Сонымен қатар, күндізгі және түнгі уақытта атыс қаруларынан оқ ату тәжірибесі де қамтылған.
30217 әскери бөлімі Барлау батальоны командирінің орынбасары капитан Елдос Асанның айтуынша, бұл жиын барлаушылардың кәсіби шеберлігін шыңдау мен бөлімшелердің жауынгерлік қабілетін арттыруға бағытталған.
