Semeytany.kz – Абай гарнизонында өткен жоспардан тыс кешенді тексеру барысында артиллерия бөлімшелерінің жауынгерлік әзірлігі сарапқа салынды. Бұл шараға «Шығыс» өңірлік қолбасшылығына қарасты 28738 әскери бөлімі қатысты.
Тексеруді Құрлық әскерлері бас қолбасшысының орынбасары – Зымыран әскерлері және артиллерия Бас басқармасының бастығы, полковник Тілек Серікпаев өзі бақылап, бөлімшелердің техникалық мүмкіндіктері мен командирлердің басқару дағдыларына баға берді.
Іс-шара барысында қару-жарақ пен әскери техниканың жай-күйі, жеке құрамның кәсіби деңгейі және шұғыл әрекет ету қабілеті жан-жақты тексерілді. Мұндай бақылау шаралары әскерилердің психологиялық төзімділігін арттыруға және жауынгерлік машықты жетілдіруге сеп болады.
Нәтижесінде бөлімше жеке құрамы жүктелген міндеттерді сәтті орындап, дайындықтың жоғары деңгейін көрсетті. Сонымен бірге, тексеріс барысында бөлімшенің әлсіз тұстары анықталып, оларды жетілдіруге бағытталған нақты ұсыныстар жасалды.
