Semeytany.kz – Қазақстанда жалған ақпаратпен күреске бағытталған жаңа құрылым жұмысын бастады. Ол – Президент жанындағы Орталық коммуникациялар қызметі жанынан құрылған Жалған ақпаратқа қарсы күрес жөніндегі орталық.
Орталықтың басты мақсаты – азаматтарды объективті әрі тексерілген мәліметпен қамтамасыз ету, фейк ақпаратты дер кезінде анықтап, жоққа шығару және ақпаратты тұтыну мәдениетін арттыру.
Жаңа құрылым сарапшылар, мемлекеттік органдар, журналистер және азаматтық қоғаммен бірлесіп жұмыс істемек. Сонымен қатар, әлеуметтік желілердегі манипуляцияларға түсініктеме беріп, фейкке тұрақты шолу жариялайды.
Жалған ақпаратты анықтауға көмектесу үшін Telegram-да арнайы @AntiFakeCenterBot чат-боты іске қосылған. Онда қолданушылар фейкке ұқсас мәліметтерді жолдай алады.
