Semeytany.kz – БҰҰ Бас хатшысы Антониу Гутерриш Қазақстанның жаһандық тұрақтылық пен бейбітшілікке қосқан үлесін жоғары бағалады.
Бас хатшы еліміздің халықаралық ынтымақтастық пен орнықты даму мақсаттарын ілгерілету бағытындағы рөлін ерекше атап өтіп, қазақ халқының қонақжайлығына алғысын білдірді.
– Қазақстан – бейбітшілік пен диалогтың символы. Ядролық қарудан бас тарту шешімі – бүкіл әлемге үлгі. Әртүрлі діндер мен мәдениеттер арасындағы өзара түсіністік орната алғандарыңыз – бұл мемлекет көшбасшылығының көрегендігінің нәтижесі, – деді Гутерриш.
Кездесу барысында БҰҰ-ның Орталық Азия мен Ауғанстанға арналған орнықты даму мақсаттары жөніндегі өңірлік орталығының болашағы, БҰҰ реформасы, халықаралық және аймақтық мәселелер кеңінен сөз болды.
