Semeytany.kz – Абай Құнанбайұлының 180 жылдық мерейтойына арналған ауқымды мәдени іс-шаралар аясында Семейде көрнекті күйші-композитор, Қазақстанның халық әртісі Секен Тұрысбеков пен «Ақ жауын» оркестрінің қатысуымен «Абай жолы» атты музыкалық кеш өтті.
Кеш барысында Секен Тұрысбековтің терең философиялық мәнге толы, сырлы сазбен көмкерілген күйлері орындалып, көрермендердің жүрегінен орын алды. Қазақ халқының болмысын, табиғат пен өмірге деген көзқарасын күй тілімен өрнектеген шығармалар ерекше ықыласпен тыңдалды.
Залға лық толған көрермендер кешті жылы қабылдап, халықтың дәстүрлі өнеріне деген ықыластарын ризашылықпен білдірді.
Кештің шарықтау сәтінде «Ақ жауын» мемлекеттік камералық оркестрі Абай шығармаларына арналған музыкалық интерпретацияларды ұсынып, дәстүрлі саз бен заманауи классиканы шебер ұштастырды. Оркестр орындаған әр туынды көрерменге терең ой салып, әсерлі әуенімен тыңдарманның жүрегінде ерекше із қалдырды.
