Жастар – тәуелсіз елімізді әлемге танытқан Тұңғыш Президентіміз Нұрсұлтан Назарбаевтың саясатын қолдайтын бірден-бір ізбасарлары.
{jcomments on}Қазіргі таңда жастар арасындағы өзекті мәселелер жұмыспен, тұрғын үймен қамтылу, жастар арасындағы қылмыстық ахуал, діни сауаттылық, жастарға арналған мемлекеттік бағдарламалар туралы ақпараттың жетіспеушілігі болатын. Осы орайда аудандық Жастар орталығының ұйымдастыруымен аудандық ішкі саясат бөлімі, «Жұмыспен қамту және әлеуметтік бағдарламалар» бөлімі, «Тұрғын үй құрылыс жинақ банкі», «Даму» кәсіпкерлікті қолдау қоры, жасөспірімдер бойынша полиция инспекторы және де мешіт имамының қатысуымен ақпараттық — насихат тобы жастармен кездесті.
Ақпараттық-насихат тобы мүшелері жат ағымдардан сақтану шараларын, жастарға қатысты мемлекеттік бағдарламаларды түсіндіру мақсатында «Қазығұл» емдеу мекемесінің қызметкерлері-мен, аудандық политехникалық колледжінің студенттері және жас мамандарымен, сонымен қатар аудандық аурухана ұжымының жас дәрігерлерімен кездесіп, насихат жұмыстарын жүргізді. Кездесуге, жалпы, 200 –ге жуық жастар қатысты. 3 жерде өткен кездесу, ең алдымен, Н.Назарбаевтың «Нұрлы жол — болашаққа бастар жол» атты халыққа Жолдауымен басталды. Елбасымыздың Жолдауындағы жастарға қатысты ең өзекті мәселелерді талқылап, жастар өз ойларымен бөлісті. Жастар жұмысқа орналасу, діни бірлестіктер, жас кәсіпкерлерге мемлекет тарапынан көрсетілетін қолдаулар, қолжетімді тұрғын үй мәселелері жайлы сұрақтарын әр сала мамандарына қоя отырып, нақты жауаптар алды. Алдағы уақытта насихат жұмыстарын ауданымыздың білім беру мекемелерінде, кәсіпорындарда жүргізу жоспарлануда.
Саят ИБРАЕВ,
Аягөз аудандық жастар
орталығының директоры.
