Semeytany.kz — Ақтау әуежайында сәбиімен бірге ұшаққа мінген әйел бортта жарылғыш зат барын айтқаннан кейін «Scat» әуе компаниясының Ақтау–Шымкент рейсінен барлық жолаушы мен экипаж шұғыл эвакуацияланды. Оқиғаға арнайы қызметтер тартылып, әуе кемесі бес сағаттан астам тексерілді, ешқандай күдікті зат анықталмады.
Куәгерлердің сөзінше, әйелдің мұндай мәлімдемесіне эмоциялық күйзеліс себеп болуы мүмкін. Дегенмен ол құқық қорғау органдары тарапынан ұсталып, «Терроризм актісі туралы жалған хабар беру» бабымен қылмыстық іс қозғалды.
Әуежай жұмысы қалыпқа келтірілді, зардап шеккендер туралы ақпарат жоқ. Оқиға бойынша тергеу жүріп жатыр.
