Semeytany.kz — Облыс әкімі Берік Уәли Азаматтарды қабылдау орталығында тұрғындарды жеке мәселелері бойынша қабылдады. Кездесуге тиісті басқарма басшылары, Семей қалалық әкімдігі мен «Отбасы банкінің» өкілдері қатысып, сұрақтарға сол жерде жауап берді.
Қабылдау барысында жұмыспен қамту, тұрғын үй кезегі, ауыз су мен жарықтендіру, ойын алаңдарының жай-күйі, сондай-ақ инвестициялық бастамалар мен шағын кәсіпкерлік жобаларын қолдау тақырыптары көтерілді. Семей қаласының тұрғыны Сәбит Сәдуақасов Мұрат саяжайына ауыз су құбырын тарту жайын сұрады. Онлайн жазылған бірқатар азамат кәсіпкерлік жобаларын іске асыруға қатысты өтініштерін жеткізді.
Аймақ басшысы әр өтінішті мұқият тыңдап, құқықтық тұрғыда түсіндірме берді және жауапты басқармаларға нақты тапсырмалар жүктеді. К көтерілген мәселелердің орындалуын жеке бақылауында ұстайтынын айтты.
