Semeytany.kz — Бесқарағай ауданында әлеуметтік нысандар құрылысы қарқын алды. Қазіргі таңда 3 Мәдениет үйі мен 11 медициналық нысанның жұмысы жүргізілуде. Медициналық мекемелердің құрылысы толық аяқталып, құжаттандыру рәсімдері өтіп жатыр, жақын күндері пайдалануға берілмек.
«Ауыл – ел бесігі» бағдарламасы аясында бой көтеріп жатқан жүзу бассейнінің құрылысы 45 пайызға орындалған. Нысанды жыл соңына дейін іске қосу жоспарланған.
Ауданда бүгінде 6 спорт секциясы жұмыс істейді. 7,5 мыңнан астам тұрғын тұрақты түрде дене шынықтыру және спортпен айналысады. Жаңа бассейн бұқаралық спортты дамытуға және тұрғындардың салауатты өмір салтын ұстануына қосымша серпін бермек.
