Таяуда Аягөз аудандық прокуратурасының қолдауымен, Аягөз аудандық жастар орталығы және Әкімшілік басқарма полициясының ұйымдастыруымен «Құқық бұзушылыққа нөлдік төзімділік» акциясы өтті.
{jcomments on}«Қазақстан жолы – 2050: Бір мақсат, бір мүдде, бір болашақ» атты Жолдауында Мемлекет Басшысы мемлекеттілікті нығайту және демократияны дамыту жөнінен кең көлемді міндеттерді белгілеп берді. Ұлт көшбасшысы: «Біз тіпті ұсақ – түйек құқық бұзушылықтарға, бұзақылыққа, мәдениетсіздікке төзбеуге тиіспіз, себебі бұл қоғамдық тыныштықты бұзады, өмір сүру сапасын төмендетеді»,- деп атап өткен болатын. Барлығымыз құқықтық нигилизмді жеңуіміз қажет, қоғамдық тәртіпті сақтауда белсенділік көрсетуге тиіспіз.
«Нөлдік төзімділік» акциясының негізгі мақсаты қоғамның белсенділігін арттыру болып табылады. Бұл – еліміздің әр азаматы кез келген құқық бұзушылыққа жайбарақат қарамауы керек деген ұғым. Осыған орай, Аягөз ауданында тұрғындарға нөлдік төзімділік туралы түсіндіру, насихат жұмыстары жүргізілді.
Құқық бұзушылықтар мен көшелердің ластануына қарсы профилактикалық іс-шараға жастардан құралған еріктілер мен политехникалық колледждің белсенді студенттері жұмылдырылды.
Ауданның белсенділері арнайы жол-патрульді қызмет батальонының инспекторларымен бірге Аягөз қаласының жолдарына шығып, арнайы әзірленген брошюраларды таратты.
Акция нәтижесінде жастар қала тұрғындарының экологиялық сауаттылығын арттырып, оларды құқық бұзушылықты болдырмауға шақырды.
Саят ИМАНБАЕВ,
Аягөз аудандық жастар
орталығының директоры.
