Semeytany.kz — Абай облысының әкімі Берік Уәли жұмыс сапарымен өңірге келген ҚР Ұлттық музейінің директоры Берік Әбдіғалиұлымен кездесіп, аймақтағы музей ісін дамыту және мәдени мұраны сақтау тетіктерін талқылады.
Кездесуде Ұлттық музей басшысы жергілікті музейлердің жағдайымен танысып, қор сақтау, жәдігерлердің сақталуы және қор жұмысының стандарттарына ерекше назар аударды. Ол өңірлік музейлерге ғылыми-әдістемелік қолдау көрсетуді, бірлескен ғылыми-зерттеу жобаларын ұйымдастыруды және салаға заманауи тәжірибелерді енгізуді ұсынды.
Облыс әкімі мәдениет саласындағы серіктестікті нығайту өңір үшін маңызды екенін атап өтіп, жоспарланған ортақ жобаларды қолдайтынын жеткізді. Тараптар алдағы уақытта бірлескен бастамалардың нақты жұмыс жоспарын әзірлеуге уағдаласты.
