Тәуелсіздік жылдары еліміздің экономикасы жедел қарқынмен дамып, халықтың әл-ауқаты едәуір жақсарды. Оны біз күнделікті тұрмысымыздан көріп жүрміз. Қазір ауылда тұратын ағайындарымыздың да күнкөрісі қала халқынан кем емес. Бұл тұрғыда елімізде жүзеге асырылып жатқан әртүрлі бағдарламалары — әр қазақстандыққа жасалып жатқан қамқорлық. Жақында Елбасымыз Нұрсұлтан Назарбаев әр өңірде жұмыспен қамтылуға ықпал ету бағдарламалары әзірленуі тиістігін айтты. Сондай-ақ тиімділігін дәлелдеген жұмыспен қамтудың 2020 жылға дейінгі жол картасын сақтаудың қажеттігі атап өтілді. Осы бағдарлама аясында 2011-2014 жылдар аралығында республикамыз бойынша 260 мың адам жұмысқа орналастырылып, 120 мың адам оқуға тартылғанын тілге тиек етті. Елімізде еңбек дауларын дер кезінде шешу ісінің маңыздылығына назар аударған мемлекет басшысы осыған байланысты әкімдерге ірі кәсіпорындармен меморандум жасау және босаған жұмысшыларды жұмысқа орналастыру мәселесін шешуді тапсырды. Осыны іске асыру барысында Семей өңірі бойынша 20 ірі кәсіпорын басшыларымен және 72 орта бизнес кәсіпкерлерімен меморандум жасалды. Бұған қоса жеке шағын бизнес кәсіпкерлерімен жұмыстар жалғасу үстінде.
{jcomments on}Мемлекетімізде жаңа жұмыс орнын ашу жоспарланып отырғанда, бұл мәселе қаламызды айналып өтпесі анық. Өткен жылы жоғарыда айтылған «Жұмыспен қамту – 2020» бағдарламасын іске асыру аясында Семей қаласы бойынша 3121 адам жұмыспен қамтылса, екінші бағыт (ауылды жерлерде жеке кәсіпкерлерді дамыту) бойынша 390 млн. теңге қаражат игеріліп, қосымша 243 жұмыс орындары ашылды. Сонымен қатар еңбек даулары, жұмыстан қысқарту сынды мәселелер болмауы керектігін Президентіміздің ескерткенін есепке алсақ, халқымыз үшін дағдарыстың лебі сезілмеуі керек.
Тұрсынбек ШИНЖИН,
Семей қаласы әкімдігінің жұмыспен қамту
орталығының директоры.
