Semeytany.kz – Мақаншы ауданындағы Көктерек ауылдық округінің Көктерек орта мектеп-балабақшасына оқушыларды тасымалдауға арналған «Газель NEXT» маркалы жаңа автобус берілді.
Көлік Көктерек – Кіші Көктерек бағыты бойынша күн сайын екі рейс жасап, 30-ға жуық баланы мектепке және үйлеріне қауіпсіз жеткізеді.
Оқу орнында қазір 160 оқушы білім алады. Жаңа көлік ауыл балаларының білімге қолжетімділігін арттырып, ата-аналардың алаңсыздығын қамтамасыз етуге ықпал етеді.
Ауданда барлығы 18 мектеп жұмыс істейді, ондағы 4 581 оқушыға 738 мұғалім сабақ береді.
