Семей қалалық маслихат депутаттары Қазақстан халқы Ассамблеясының 2015 жылы ҚР Президентінің сайлауын өткізу туралы бастамасын қолдайды. Кеңес мүшелері әлемдік экономикалық дағдарыс кезінде біздің елімізде мерзімінен бұрын сайлау өткізу «Нұрлы жол — болашаққа бастар жол» атты Жолдауын, «Қазақстан – 2050» Стратегиясында көрсетілген елімізді дамытуға бағытталған бағдарламаларды тиімді жүзеге асыруға мүмкіндік беретінін атап өтті. Отырыс қорытындысы бойынша үндеу қабылданды. Бұл үндеу халық тарапынан түскен сансыз ұсыныстың негізінде әзірленіп отырғаны анық. Бұл сайлау – жай сайлау емес, ең алдымен, дағдарысқа қарсы жасалып жатқан әрекет деп білуіміз керек. Бүгінгі әлемдік дағдарыс бізге тәуекелге баруға болмайтынын, тез арада қорғану шараларын қабылдау қажет екенін ескертеді. Елімізде дағдарыс жоқ, бірақ сыртқы факторлар мен қауіп-қатерлер әсер етіп жатыр. Бұл орайда «Нұрлы жол» бағдарламасын 2020 жылға дейін жалғастыруымыз керек. Ол үшін мерзімінен бұрын өтетін Президент сайлауы тұрақтылық, тыныштық факторы болмақ. Сондықтан мен бұл дұрыс ұсыныс деп ойлаймын және оны қолдаймын.
{jcomments on}Бұл ретте Елбасы Н.Ә.Назарбаев тарапынан тұрақты түрде түрлі бастамалар көтеріліп келеді. Мәселен, бір ғана «Қазақстан – 2050» Стратегиясы арқылы болашақ болжанып, экономикалық реформаларымыз, шағын және орта бизнесті қолдау, инвестициялық климатты жақсарту жағдайларына қатысты мәселелері заңнамамен қарастырылған «Нұрлы жол» атты Жаңа экономикалық Саясатты жүзеге асыру қолға алынды. Мұның бәрін табысты түрде жүзеге асыру бір жағдайда: біз қоғамдық келісімді, ұлттық бірлікті және халық бірлігін қамтамасыз еткенде ғана мүмкін болады.
Бейсенғазы ТАСТЕКЕЕВ,
Семей қалалық маслихатының депутаты.
