Өткен аптада Қазақ хандығының 550 жылдығы мен Жеңістің 70 жылдығына орай, «Шығыс Қазақстан аймақтық энергетикалық компаниясы» АҚ Абай аймағы қызметкерлері арасында бірқатар спорт түрлерінен турнир өтті.
{jcomments on}Спартакиаданың негізгі мақсаты – ұжымды және қызметкерлерді біріктіру, патриотизмді арттыру және рухани өсіру, салауатты өмір салтын насихаттау, дене шынықтыруды және спортты дамыту. Дәстүрлі сайысқа «Шығыс Қазақстан аймақтық энергетикалық компа- ниясы» АҚ Абай аймағының Семей қалалық электр желісі, Курчатов қаласы, Бородулиха, Бесқарағай, Абай аудандары, қала сырты және жоғарғы вольтті әуе желісі және қосалқы подстанцияға қызмет көрсететін бөлім қызметкерлері қатысып, жүзден астам қызметкер спорттың шағын футбол, үстел теннисі, арқан тарту және шахмат түрлері бойынша сынға түсіп, кіл мықтылары анықталды.
— Спорттық шараларымыз дәстүрлі түрде өтіп тұрады. Айтулы шара биылғы жылы Абай аймағы директоры Мұратқали Жакуповтың бастамасымен қолға алынып отыр. Жарыс соңғы сегіз жыл көлемінде өткізіліп келеді. Оның қорытындысы бойынша қатысушылар әр спорт түрінен жеке-жеке марапатталады және бағалы сыйлықтармен марапатталады, — дейді Семей қалалық электр желісінің басшысы Бауыржан Смағұлов.
Айта кету керек, осындай сайыстар Шығыс Қазақстан аймақтық энергетикалық компаниясы құрамына кіретін аймақтар арасында да өткізіліп тұрады. Жарыс қорытындысы бойынша командалық есепте І орынды Семей қаласы электр желісі ұжымы жеңіп алып, ауыспалы кубокқа ие болды. Ал Курчатов қаласы мен Абай аудандық электр желісі командалары ІІ, ІІІ орындарды өзара бөлісті. Аталмыш турнир жеңімпаздары облыстық жарыстарда өнер көрсетіп, өңір намысын қорғайтын болады.
Асан МЫРЗАХАНОВ,
«Семей таңы»
