Соңғы жылдары еліміздің қалалары мен облыстары белсенді дамып келеді, жаңа шағын аудандар, үйлер, ойын-сауық орталықтары және басқа да кәсіпкерлік нысандарының құрылысы қарқынды жүргізілуде. Жоғарыда аталған барлық объектілерді пайдалануға бермес бұрын олардың байланыс желілеріне қосылуын қамтамасыз ету қажет екенін бәріміз білеміз, маңыздыларының бірі электр энергиясына қосылу болып табылады.
Жаңадан іске қосылатын объектілерді қосу үшін бірінші кезекте энергия беруші ұйымдардан электр желілеріне қосылуға техникалық шарттар алу қажет. Дәл осы кезеңде көптеген тұтынушылар сұрақтар мен проблемаларға тап болады, өйткені егер кейбіреулер техникалық шарттардың талаптарымен келіспесе, басқалары талаптарды орындау мүмкін емес.
Осыған байланысты, «Қазақстан Республикасы Энергетика министрлігі Атом және энергетикалық қадағалау және бақылау комитетінің Абай облысы бойынша аумақтық департаменті» РММ мыналарды түсіндіреді:
Электр желілеріне қосылуға техникалық шарттарды беру тәртібі Қазақстан Республикасы Энергетика министрінің 2015 жылғы 25 ақпандағы № 143 бұйрығымен бекітілген электр энергиясын пайдалану қағидаларымен регламенттеледі.
Мәселен, осы Қағидаларға сәйкес электр желілеріне қосылуға арналған техникалық шарттар тұтынушыға еркін нысандағы өтінім және Қағидаларға 3-қосымшаға сәйкес нысан бойынша электр желілеріне қосылуға арналған техникалық шарттарды беру үшін өтінімге сұрау парағы негізінде беріледі.
Энергия беруші немесе энергия өндіруші ұйым тұтынушыдан еркін нысанда өтініш алғаннан кейін 5 (бес) жұмыс күні ішінде жаңадан енгізілетін немесе реконструкцияланатын электр қондырғыларын қосуға техникалық шарттар береді, сондай-ақ жасалған және қол қойылған электр желілерінің теңгерімдік тиесілігін және тұтынушыны қосу схемасымен тараптардың пайдалану жауапкершілігін ажырату актісімен бірге.
Салынып жатқан объектілерді электрмен жабдықтау үшін тұтынушыға құрылыс кезеңінде уақытша техникалық шарттар беріледі.
Техникалық шарттарды беру энергия беруші ұйымның электр желілеріне немесе энергия өндіруші ұйымның электр қондырғыларына қосылудың техникалық мүмкіндігі болған жағдайда жүзеге асырылады. Желілер немесе қосылудың техникалық мүмкіндігі болмаған жағдайда, техникалық шарттар жобаланатын желілердің иесімен техникалық шарттар келісілгеннен кейін жобаланатын желілерден беріледі.
Техникалық шарттарды беру және қайта ресімдеу үшін ақы алынбайды.
Техникалық шарттарда көрсетілген талаптармен келіспеген жағдайда тұтынушы энергетикалық сараптама жүргізу үшін сараптама жасау ұйымына жүгінеді. Сараптама жасау ұйымы энергия беруші (энергия өндіруші) ұйымға жүгінген кезде тұтынушының өтініші бойынша энергия беруші (энергия өндіруші) ұйым барлық сұратылған мәліметтерді ұсынады.
Тұтынушы техникалық шарттарда көрсетілген талаптардың негізсіздігі туралы энергетикалық сараптаманың қорытындысы негізінде энергия беруші (энергия өндіруші) ұйымға техникалық шарттарды алуға еркін нысанда өтінішті қайта береді. Техникалық шарттарда көрсетілген талаптарды өзгертуден қайта бас тартқан жағдайда тұтынушы энергия беруші (энергия өндіруші) ұйымның әрекеттеріне Қазақстан Республикасының азаматтық заңнамасында белгіленген тәртіппен шағымданады.
Бұдан басқа, «Әкімшілік құқық бұзушылық туралы» ҚР Кодексінде 301-1-бапқа сәйкес электр желілеріне қосылуға техникалық шарттарды беру тәртібі мен мерзімдеріне қойылатын талаптарды бұзғаны үшін, сондай-ақ құжаттарды қабылдаудан және (немесе) электр желілеріне қосылуға техникалық шарттарды беруден бас тартқаны үшін әкімшілік жауапкершілік көзделген.
Осыған байланысты, энергия беруші (энергия өндіруші) ұйым тарапынан техникалық шарттарды беру тәртібі мен мерзімдеріне қойылатын талаптар бұзылған жағдайда тұтынушының жоғарыда көрсетілген тәртіппен өз құқықтарын қалпына келтіруге мүмкіндігі болады.
«Қазақстан Республикасы Энергетика министрлігі мемлекеттік энергетикалық қадағалау және бақылау комитетінің Абай облысы бойынша аумақтық департаменті» РММ
