Semeytany.kz – Облыс әкімі Берік Уәли қаланы аралау барысында Гагарин көшесіндегі (оң жағалаудағы айналма жолдан «Спартак» стадионына дейінгі учаске) жөндеу жұмыстарының барысымен танысты.
Гагарин көшесінде ескі асфальт қабаты толық алынып, екі қабатты жаңа жабын төселіп жатыр. Әкім мердігерлерге жұмысты белгіленген мерзімде және сапалы аяқтауды тапсырды, ал Ұлттық сапа орталығының мамандарына жол сапасын тұрақты бақылауды міндеттеді.
Биыл облыс орталығында барлығы 52 көшеге орташа жөндеу жүргізу жоспарланған: соның 16-сы – толық жаңғырту, 36 көшеге алғаш рет асфальт төсеу көзделген. Қазіргі таңда 25 көшедегі жұмыстар аяқталды, қалған учаскелер қазан айының ортасына дейін тәмамдалмақ.
Аймақ басшысы қалада жөнделген көшелерге тұрғындар оң бағасын беріп жатқанын атап өтіп, осы бағыттағы жұмысты жүйелі түрде жалғастыру қажеттігін айтты.
