Semeytany.kz — Әлеуметтік желіде қазақстандық ата-аналар балаларға қазақ тілінде ұсынылатын кейбір YouTube контентінің мазмұнына алаңдап, мұқият бақылауға шақырды.
Желі қолданушысы 3 жастағы қызының роликтерін қадағалап отырып, отандық балалар арналарының бірқатары пранкке құрылатынын, сөйлеу мәнерінде дөрекі сөздер жиі ұшырасатынын жазды. Автордың айтуынша, «папаң келген соң…» сияқты қорқытуға жақын тіркестер мен «есуаc», «ешак» секілді сөздер кездеседі, тіпті «д*****б» деген сөзді баласы қайталап жүргенін байқаған.
Пікір иесі YouTube алгоритмінде кейбір бейнелерді толық бұғаттау қиын екенін, кейде блокталғаннан кейін де ұқсас контент шыға беретінін алға тартты. Оның ойынша, ең қауіпсіз жол – балаларға арналған арнайы режимді қосу.
рналарды тізімге қосып (whitelist), артық каналды өшіруге, жас шектеулерін орнатуға, күмәнді роликтерді міндетті түрде «Report/Шағымдану» арқылы белгілеуге кеңес береді. Сонымен бірге YouTube Kids сияқты балаларға арналған қосымшаларды қолдану, ортақ отбасылық ережелер бекіту, күніне экран уақытын нақты шектеу ұсынылады.
Деректер Stan.kz ақпараттық порталынан алынды.
