Үржар ауданында Қазақ хандығының 550 жылдығы, Қазақстан халқы Ассамблеясы мен Конституцияның 20 жылдығы, Жеңістің 70 жылдығы, Ұлы Абайдың 170 жылдығы сынды мерейлі мезеттерді атап өтуге және спорт ардагері Жорабаев Пернебек Қасымбекұлының 55 жас мерейтойына арналған ардагерлер арасында волейболдан аудандық чемпионат өтті.
Ұйымдастырушылардың айтуынша, спорттық жарыстарды ұйым-дастырудағы мақсат — салауатты өмір салтын насихаттау және ардагерлердің спорттан қол үзбегендігін {jcomments on}көрсету арқылы олардың қатарластарына, жас буынға үлгі ету, адам өмірінде спорттың алар орны ерекше екендігін тағы бір мәрте көрсету.
Үржар аудандық спорт модулінде өткен жарысқа Үржар, Мақаншы, Науалы, Бестерек ауылдарының және Крупская, Абай, Тұрлыханов мектептерінің ардагер спортшылары қатысты. Үздік шыққан Үржар командасы ауыспалы кубок иегері атанса, 2-3 орынды Абай лицейі мен Мақаншы ауылының ардагерлері өзара бөлісті. Жарысқа қатысушы өзге командалар әртүрлі аталымдарға ие болды. Ойын соңында салауатты өмір салтын дәріптеп, жастарға үлгі болып жүрген аға буын өкілдерінің барлығы да қаржылай және бағалы естелік сыйлықтармен марапатталды.
Бауыржан ЖАҚЫП,
«Семей таңы»
