Елімізде аз қамтылған отбасыларды әлеуметтік қолдау әрдайым әлеуметтік саясаттың негізгі және басым бағыттарының бірі болып табылады. Аз қамтылған отбасыларды әлеуметтік қолдау мәселесі қала басшылығы тарапынан әрқашан қолдау табуда. Ол үшін жыл сайын жергілікті бюджеттен арнайы қаражат қарастырылып, аталмыш санаттағы тұрғындарға әлеуметтік қолдау ретінде тұрғын үй көмегі берілуде. Жақында қаламыздың әлеуметтік сала қызметкерлері коммуналдық мекеме өкілдерімен бірлесе әлеу-меттік жағынан аз қамтылған тұрғындардың үйлерін аралап, түсіндіру жұмыстарын бастады. Ондағы мақсат – жылу мен суға берешегі бар аз қамтылған отбасыларына тұрғын үй көмегін алудың жолын түсіндіру. «Теплокоммунэнерго» МКК-ның бөлім басшысы Гаухар Жетпісбаеваның айтуынша, осы шара аясында коммуналдық қызметке қарыздарын төлеуге мүмкіндігі жоқ әлеуметтік жағдайы төмен отбасыларына тұрғын үй көмегін рәсімдеу жолдары түсіндіріледі.
{jcomments on}- Біздің мәліметіміз бойынша, қалада әлеу-меттік жағынан аз қамтылған 60-қа жуық абонент бар. Бірлескен топ нақты осы тұтынушылар бойынша ғана рейд жүргізуде. Мұндай рейд жұмыстары алдағы уақытта күнделікті қаланың әр ауданында өткізілетін болады, — дейді Г.Жетпісбаева.
Асан МЫРЗАХАНОВ,
«Семей таңы»
